Nota

a Li Evanjelioetik xchiʼuk li yan livroetik ta Vivliae, chakʼ ta ilel ti ep ta velta laj yakʼ sba ta ilel ta stojolal yajchankʼoptak Jesus kʼalal chaʼkuxiem xa oxe: ta stojolal Maria Magdalena (Juan 20:​11-18); ta stojolal yan antsetik (Mat. 28:​8-10; Luk. 24:​8-11); ta stojolal chaʼvoʼ yajchankʼoptak (Luk. 24:​13-15); ta stojolal Pedro (Luk. 24:34); ta stojolal jtakboletik ti muʼyuk te li Tomase (Juan 20:​19-24); ta stojolal jtakboletik ti te xa ox li Tomas eke (Juan 20:26); ta stojolal vukvoʼ yajchankʼoptak (Juan 21:​1, 2); ta stojolal mas ta voʼob sien yajchankʼoptak (Mat. 28:16; 1 Kor. 15:6); ta stojolal Santiago ti jaʼ yitsʼine (1 Kor. 15:7); ta stojolal skotol li jtakboletike (Ech. 1:4) xchiʼuk ta stojolal jtakboletik ti te nopol oyik ta Betaniae (Luk. 24:​50-52). Yikʼaluk van oy to bu yan laj yakʼ sba ta ilel li Jesuse, pe ti chʼabal xa te tsʼibabil komel ta Vivliae (Juan 21:25).