Sbavokʼal

Li Diose tskʼoponutik tal ta Vivlia (2 Timoteo 3:16).

Ta buyuk noʼox yakal chchikintaik kʼusi chal Dios li krixchanoetike (Mateo 28:19).

Xchaʼvokʼal

Jaʼ la spas skotol kʼusitik ta vinajel...

... xchiʼuk kʼusitik ta balumil li Jeovae (Salmo 83:18; Apokalipsis 4:11).)

Yoxvokʼal

Li Jeovae ep kʼusitik lek laj yakʼbe li Adan xchiʼuk Evae (Jenesis 1:28).

Li Diose laj yal ti mu stakʼ lobel sat li jpets teʼe (Jenesis 2:16, 17).

Xchanvokʼal

Muʼyuk la xchikintaik kʼusi laj yal Dios li Adan xchiʼuk Evae, vaʼun chamik (Jenesis 3:6, 23).

Li animaetike muʼyuk kuxulik jech kʼuchaʼal li tsʼubil lume (Jenesis 3:19).

Svoʼvokʼal

Jutuk mu skotoluk li krixchanoetik ta skʼakʼalil Noee chopol kʼusitik la spasik (Jenesis 6:5).

La xchikinta kʼusi laj yal Dios li Noee xchiʼuk la spas jun arka (Jenesis 6:13, 14, 18, 19, 22).

Svakvokʼal

Li Diose la slajes li chopol krixchanoetike, pe kuxul laj yikta li Noe xchiʼuk yutsʼ yalale (Jenesis 7:11, 12, 23).

Li Diose chchaʼlajes li buchʼutik chopolike xchiʼuk kuxul chikta li lekil krixchanoetike (Mateo 24:37-39).

Svukvokʼal

La stak tal ta balumil Jesus li Jeovae (1 Juan 4:9).

Akʼo mi lek kʼusitik la spas li Jesuse, laj yichʼ pʼajel (1 Pedro 2:21-24).

Xvaxakvokʼal

Li Jesuse cham sventa xuʼ xijkuxiutik (Juan 3:16).

Li Diose la xchaʼkuxes li Jesuse xchiʼuk laj yakʼ ochuk ta Ajvalil li ta Ajvalilal yuʼune (Daniel 7:13, 14).

Sbalunvokʼal

Li vokoliletik ta balumile chakʼ ta ilel ti poʼot xa chventainvan li Ajvalilal yuʼun Diose (Lukas 21:10, 11; 2 Timoteo 3:1-5).

Tslajes skotol choplejal li Ajvalilal yuʼun Diose (2 Pedro 3:13).

Slajunvokʼal

Jutuk mu skotoluk li animaetike chchaʼkuxiik sventa chnakiik ta balumil (Echos 24:15).

Tslajesbe skʼoplal skotol vokolil li Ajvalilal yuʼun Diose (Apokalipsis 21:3, 4).

Xbuluchvokʼal

Chchikinta j-orasiontik li Diose (1 Pedro 3:12).

Ep kʼusitik xuʼ xkaltik li ta j-orasiontike (1 Juan 5:14).

Xlajchavokʼal

Li kʼanelale toj tsots skʼoplal sventa xmuyubaj li utsʼalaliletike (Efesios 5:33).

Lekuk xchiʼuk tukʼuk avoʼonton, maʼuk ti simaron chapas aba xchiʼuk ti muʼyuk stukʼil avoʼontone (Kolosenses 3:5, 8-10).

Yoxlajunvokʼal

Mu xapas li kʼusi chopole (1 Korintios 6:9, 10).

Paso li kʼusi leke (Mateo 7:12).

Xchanlajunvokʼal

Te oyan-o ta stojolal li Diose (1 Pedro 5:6-9).

Jaʼ paso li kʼusi mas leke: chikintao li kʼusi chal Diose (Mateo 7:24, 25).