⁸ Mi jech la snope, mu jechuk kʼot ta pasel taje. Jech xtok, mi la sloʼiltabeik Caín li kʼusi tsnop li Adán xchiʼuk Evae, xuʼ van mas to la stoy-o sba yuʼunik li Caine. Ta tsʼakale laj yil xchibal yol li Evae, pe muʼyuk bu ta jtatik ti toj lek xa kʼusi laj yal ta stojolale. Abel laj yakʼbeik sbi, jaʼ van skʼan xal «ikʼ chlokʼ ta niʼil» o «kʼusi jecheʼ» (Gén. 4:2). Ti vaʼ yelan laj yakʼbeik sbie, ¿mi jaʼ van chakʼ ta ilel ti mu sta jech spatoj yoʼontonik ta stojolal kʼuchaʼal Caine? Xuʼ van, pe mu jnaʼtik mi jech ta melel.

10, 11. ¿Kʼusi abtelal lik spas li Caín xchiʼuk Abele? ¿Kʼusi talelalil lik chʼiuk yuʼun li Abele?

¹⁰ Kʼalal lik chʼiikuk tal li Abel xchiʼuk Caine, li Adane la xchanubtasan ta abtel sventa smakʼlin li yutsʼ yalalike. Li Caine tsʼunolajel la spas, yan li Abele lik xchabi chij.

¹³ Ta melel, laj van xchʼakbe yorail sventa tsnopbe skʼoplal li kʼusitik ta sventa Jeovae, jech kʼuchaʼal kʼalal jaʼo chchabi li xchijtake. Li jun jchabichije toj ep skʼan xanav. Chikʼ batel ta vitstikaltik li yuni chijtake, ta teʼtik xchiʼuk ta ukʼumaltik sventa tsabe lekil yaxaltik, bu oy voʼ xchiʼuk ti bu xuʼ lek xkuxike. Ta skotol li kʼusitik spasoj li Diose, yileluk li chijetike stuk xa noʼox jech tskʼanik koltael xchiʼuk chabiel yuʼun li krixchanoetike. Li Abele laj yakʼ venta ti skʼan oy buchʼu xbeiltasat xchiʼuk xchabiat ti mas pʼij xchiʼuk ti mas tsots sjuʼel kʼuchaʼal li krixchanoetike. Xuʼ van jaʼ jech chal kʼalal tspas orasione, jaʼ yuʼun chʼi-o batel li xchʼunel yoʼontone.