4:10-15

Li Moisese koltaat yuʼun Jeova sventa stsal yuʼun li xiʼele. ¿Kʼusi chakʼ jchantik li kʼusi albat yuʼun Jeova li Moisese?

• Mu me jaʼuk xbat ta koʼontontik li kʼusi mu spas kuʼuntike.

• Xuʼ jpat koʼontontik ta melel ti tskoltautik Jeova sventa spas kuʼuntik li kʼusi yakʼoj jbaintike.

• Mi jpatoj koʼontontik ta stojolal li Diose muʼyuk ta jxiʼtatik li krixchanoetike.

Li Moisese mu toʼox spas yuʼun laj yaʼi li kʼusi kʼanbat yuʼun Jeova ti akʼo spase (Eks 4:10, 13). ¿Mi oy jech avaʼioj aba ek? Mi yakal chachan Vivlia xchiʼuk li stestigotak Jeovae, ¿mi chaxiʼ ti mu xchol avuʼun mantal ta naetik kʼuchaʼal tspasike? Mi kerem tsebote, ¿mi chaxiʼ xcholel mantal ta eskuela? ¿Mi vokol chavaʼi xcholel mantal ta buyuk noʼox o ta telefono? Kʼanbo xchʼul espiritu Jeova sventa skoltaot ta spasel (1Pe 4:11). Xuʼ xapat avoʼonton ta stojolal Jeova ti tskoltaot sventa spas avuʼun li kʼusi chakʼ abain spasele (Eks 4:11, 12).