-
Epuk sbalil xkiltik li jkuxlejaltike¡Kʼupino akuxlejal ta sbatel osil! Li Vivliae xuʼ skoltaot ta stael
-
-
5. Mu kʼusi jpasbetik li uni neneʼ ti muʼyuk to vokʼeme
Li Davide laj yal jun nichimal kʼop ti chakʼ ta ilel ti toj kʼupil sba chil Jeova kʼu yelan chchʼi talel jun olol li ta yut xchʼut smeʼe. Kʼelik Salmo 139:13-17 xchiʼuk albeik skʼoplal li sjakʼobil liʼe:
¿Mi kuxlejal xa chil Jeova kʼalal naka to chnapʼ ta xchʼut smeʼ li jun olole o mi jaʼ to kʼalal chvokʼe?
Li mantaletik laj yakʼ Jeova sventa li j˗israeletik ta voʼnee chchabi li antsetik ti xchiʼuk yolike xchiʼuk li uni neneʼetik ti muʼyuk to vokʼemike. Kʼelik Eksodo 21:22, 23 xchiʼuk albeik skʼoplal li sjakʼobiltak liʼe:
¿Kʼu yelan chil Jeova mi oy buchʼu mu yolbajuk tsmil jun olol ti muʼyuk to vokʼeme?
Vaʼun chaʼa, ¿kʼu yelan chil li buchʼu yolbaj xa tsmil li jun olole?b
¿Kʼu yelan chavil li kʼusi tsnop Jeova ta sventa li uni neneʼetike?
Akʼo mi ep sbalil chil kuxlejal li jun antse, xuʼ van tsnop ti jaʼ mas lek ti syales li yole. Kʼelik Isaias 41:10 xchiʼuk albeik skʼoplal li sjakʼobiltak liʼe:
Mi chichʼ sujel jun ants sventa syales yole, ¿bu xuʼ sta koltael? ¿Kʼu yuʼun?
-
-
Epuk sbalil xkiltik li jkuxlejaltike¡Kʼupino akuxlejal ta sbatel osil! Li Vivliae xuʼ skoltaot ta stael
-
-
b Skʼan mu chopoluk xaʼi sbaik li buchʼutik laj toʼox syales yolike, yuʼun ch˗akʼvan ta perton li Jeovae. Li ta xchanobil liʼe ti bu chal «Xuʼ to xakʼel liʼe», xuʼ xakʼel li mantal ti xi sbie: «¿Kʼusi chal Vivlia ta sventa li syalesel olole?».
-