-
Epuk sbalil xkiltik li jkuxlejaltike¡Kʼupino akuxlejal ta sbatel osil! Li Vivliae xuʼ skoltaot ta stael
-
-
2. ¿Kʼuxi xuʼ jtojbetik ta vokol Jeova li jkuxlejaltike?
Kʼalal naka toʼox lanapʼ ta xchʼut ameʼe, laj xa onoʼox yakʼ talel sat ta atojolal li Jeovae. Jun vinik ta voʼne ti David sbie xi laj yalbe ta orasion li Diose: «Laj avilun ta asat kʼalal naka toʼox linapʼ tale» (Salmo 139:16). Toj ep sbalil chil Jeova li akuxlejale (kʼelo Mateo 10:29-31). Toj kʼux chaʼi Jeova mi oy buchʼu la smil yan krixchanoe o mi oy buchʼu la smil sbae (Eksodo 20:13).a Jech xtok, chopol me chaʼi mi yolbaj xa chkakʼ ta vokol jkuxlejaltik o li xkuxlejal yantike. Mi ta jchabi jbatik xchiʼuk mi ep sbalil chkilbetik xkuxlejal li yantike, jaʼ jech chkakʼtik ta ilel ti ep sbalil chkiltik li kuxlejale.
-
-
Epuk sbalil xkiltik li jkuxlejaltike¡Kʼupino akuxlejal ta sbatel osil! Li Vivliae xuʼ skoltaot ta stael
-
-
a Li Jeovae oy ta yoʼonton li buchʼutik muʼyuk xa te tsakal chaʼi li yoʼontonike (Salmo 34:18). Li Jeovae xaʼibe smelolal kʼu yelan chaʼi sbaik li buchʼutik tskʼan tsmil sbaike xchiʼuk oy ta yoʼonton tskolta. Li ta xchanobil liʼe ti bu chal «Xuʼ to xakʼel liʼe», xuʼ xachan li mantal ti xi sbie: «¿Mi xuʼ skoltaun Vivlia mi oy jnopoj ta jmil jbae?».
-