• Mu me kʼusi smak avok sventa xatsʼakli li Jesuse
    Li Jkʼel-osil ta toyole (sventa chichʼ chanel) 2021 | mayo

    • 3) LI JESUSE MUʼYUK LA SPAS LI KʼUSI NOPEM XAʼIIK JUDAETIKE

      La spʼajik Jesus ta skoj ti muʼyuk la spas li kʼusi nopem xaʼiike. ¿Kʼusi chmak-o yokik li avi eke? (Kʼelo parafo 13).e

      13. ¿Kʼu yuʼun ep buchʼutik chopol laj yilik li Jesuse?

      13 Li yajchankʼoptak Juan J-akʼ-ichʼvoʼe labal sba laj yilik ti muʼyuk la spasik ayuno li yajtsʼaklomtak Jesuse. Li Jesuse laj yalbe smelolal ti mu persauk spasik ta skoj ti te to kuxule (Mat. 9:14-17). Li jfariseoetik xchiʼuk li yan yajkontratak Jesuse chopol laj yilik ti muʼyuk tspas li kʼusi nopem xaʼiik spasele xchiʼuk kap tajek sjolik ti poxtavan ta savadoe (Mar. 3:1-6; Juan 9:16). Xtoyet xa chalik ti chchabiik li savadoe, pe muʼyuk chopol chilik ti te chpʼolmajik li ta temploe. Chopol tajek laj yaʼiik kʼalal albatik ta jamal yuʼun Jesus li smulike (Mat. 21:12, 13, 15). Kʼalal laj yal mantal Jesus ta snail tsobobbail ta Nasarete, li buchʼutik laj yaʼiike lik skʼakʼal yoʼontonik ta skoj ti albatik ti chʼabal xchʼunel yoʼontonik xchiʼuk ti jaʼ noʼox tsnop skʼoplal stukik jech kʼuchaʼal li j-israeletike (Luk. 4:16, 25-30). Ep buchʼutik la smak yokik ta skoj ti muʼyuk la spas Jesus li kʼusi tskʼanike (Mat. 11:16-19).

      14. ¿Kʼu yuʼun laj yal Jesus ti chopol li kʼusi nopem xaʼiik tspasik ti mu jechuk chal ta Vivliae?

      14 ¿Kʼusi chal li Vivliae? Xi akʼbat snaʼ yuʼun Jeova li j-alkʼop Isaiase: «Li jteklum liʼe ta ye noʼox chnopajik ta jtojolal xchiʼuk ta yeik noʼox chichʼikun ta mukʼ, pe li yoʼontonike nom tajek oy ta jtojolal; xchiʼuk ti xiʼtaojikune jaʼ noʼox ta skoj li smantaltak krixchanoetik akʼbil xchanike» (Is. 29:13). Lek ti laj yal Jesus ti mu lekuk li kʼusi nopem xaʼiik tspasik ti mu jechuk ta xal li ta Vivliae. Li buchʼu mas tsots skʼoplal laj yilik li kʼusi nopem xaʼiik tspasike la spʼajik li Jeovae xchiʼuk li buchʼu la stak tale ti jaʼ li Mesiase.

  • Mu me kʼusi smak avok sventa xatsʼakli li Jesuse
    Li Jkʼel-osil ta toyole (sventa chichʼ chanel) 2021 | mayo

    • 4) LI JESUSE MUʼYUK LA XCHAPAN KʼOPETIK SVENTA POLITIKA

      La spʼajik Jesus ta skoj ti muʼyuk la stikʼ sba ta politikae. ¿Kʼusi chmak-o yokik li avi eke? (Kʼelo parafo 17).f

      17. ¿Kʼusi ox tskʼanik ti akʼo spas li Mesiase?

      17 Kʼalal kuxi ta balumil li Jesuse, junantike tskʼanik ox ti akʼo xjel li ajvalile, ti jaʼuk xkoltaatik yuʼun Mesias sventa mu xa jaʼuk xventainatik yuʼun li jromaetike. Pe kʼalal tstikʼik xa ox ta ajvalil li Jesuse, muʼyuk la xchʼam (Juan 6:14, 15). Li paleetik xchiʼuk li yan krixchanoetike chiʼik mi oy kʼusi la sjel Jesus ta sventa li ajvalile, yuʼun mi jech la spase, xuʼ van x-ilinik-o li jromaetik xchiʼuk ti xpojbat yabtelik li jbeiltasvanejetik ta relijione. Ep judaetike la smak-o yokik ta skoj li politikae.

      18. ¿Kʼusi muʼyuk la stsakik ta venta li judaetik ta sventa li Mesiase?

      18 ¿Kʼusi chal li Vivliae? Albil xa onoʼox ti tspas kʼop li Mesiase xchiʼuk ti tspas kanale. Pe albil xa onoʼox xtok ti baʼyel skʼan xcham sventa stoj li jmultike (Is. 53:9, 12). Pe ¿kʼu yuʼun ep buchʼutik mu jechuk tsnopik taje? Yuʼun muʼyuk la stsakik ta venta li albil kʼopetik ti chal ti jaʼ to ta tsʼakal chchapaj li svokolike (Juan 6:26, 27).