• Tunkutik-o ta stojolal Jeova jech kʼuchaʼal la spas li Pedroe
    Li Jkʼel-osil ta toyole (sventa chichʼ chanel) 2023 | septiembre

    • 1. ¿Kʼu yelan laj yaʼi sba Pedro kʼalal la stsak epal choyetik ta skʼelobil juʼelale?

      LI Pedroe sjunul akʼobal tsots abtej, pe mi jkotuk choy la stsak. Vaʼun, xi albat yuʼun li Jesuse: «Tikʼo ochel ta natil nab li avarkoe, vaʼun te xajipik yalel li anutiʼik sventa tsakob choye» (Luk. 5:4). Akʼo mi mu ox skʼan li Pedroe, pe laj onoʼox spas. La stsakik epal choy ti chjat xa li snutiʼal sventa stsakobil choye. Kʼalal laj yakʼik venta ti jaʼ skʼelobil juʼelale, chʼayal to kʼot yoʼonton li Pedro xchiʼuk xchiʼiltake. Li Pedroe xi laj yale: «Chʼako aba ta jtojolal, Kajval, yuʼun jpasmulil vinikun» (Luk. 5:​6-9). Mu sta-o laj yaʼi ti te xchiʼuk li Jesuse.

      2. ¿Kʼuxi tskoltautik kʼalal ta jkʼeltik kʼusi la spas li Pedroe?

      2 Oy onoʼox srason Pedro kʼalal laj yal ti jaʼ jpasmulile. Li Vivliae chal ti oy onoʼox kʼusitik laj yal o la spas ti chopol laj yaʼi-o sba ta tsʼakale. ¿Mi oy jech avaʼioj aba kʼuchaʼal li Pedroe? ¿Mi vokol chavaʼi sjelel jtosuk atalelal o yiktael li kʼusi mu lekuke? Mi jeche, mu me xachibaj. Xuʼ me skoltaot li kʼusi la spas Pedroe. Yuʼun li Diose laj yakʼ ti xichʼuk tsʼibael li kʼusi muʼyuk lek bat ta pasel yuʼun sventa oyuk kʼusi xakʼ jchantike (2 Tim. 3:​16, 17). Kʼalal ta jkʼelbetik sloʼilal li Pedro ti jaʼ jun vinik ti oy kʼusi vokol laj yaʼi xchiʼuk ti jech laj yaʼi sba kʼuchaʼal voʼotike, chkakʼtik venta ti muʼyuk tskʼan Jeova ti tukʼil krixchanoutikuke. Li kʼusi noʼox tskʼane jaʼ ti jechuk-o xkakʼ kipaltik akʼo mi oy kʼusi vokol chkaʼitike.

  • Tunkutik-o ta stojolal Jeova jech kʼuchaʼal la spas li Pedroe
    Li Jkʼel-osil ta toyole (sventa chichʼ chanel) 2023 | septiembre
    • Li Pedroe chiʼ xchiʼuk labal chil ti chmutʼij xa yalel li svarkoik ta skoj ti ep la stsakik li choye. Li Jesuse chaʼi li kʼusi chal Pedroe, li yan vinik te oye te snitoj li stsakobil xchoyike.

      ¿Kʼusi van la apas ti jechuk kʼot ta atojolal li kʼusi la snuptan Pedroe? (Kʼelo parafo 4).

      4. ¿Kʼuxi laj yalbe sba skʼoplal li Pedroe, xchiʼuk kʼusi albat yuʼun li Jesuse? (Lukas 5:​5-10).

      4 Li Vivliae muʼyuk chal kʼu yuʼun «jpasmulil vinikun» xi li Pedroe (kʼelo Lukas 5:​5-10). Pe oy onoʼox van kʼusitik muʼyuk lek bat ta pasel yuʼun. Li Jesuse laj yakʼ venta ti ta xiʼe jaʼ van ta skoj ti mu spas yuʼun li kʼusi leke. Pe snaʼoj xtok ti xuʼ tukʼ xakʼ sbae, jaʼ yuʼun xi laj yalbe ta slekil yoʼontone: «Mu xa xaxiʼ». Kʼot tajek ta yoʼonton Pedro kʼalal laj yil ti spatoj yoʼonton Jesus ta stojolale. Ta mas tsʼakale, li Pedro xchiʼuk li Andres ti jaʼ xchiʼil ta vokʼele laj yiktaik li tsak choy sventa stsʼakliik li Mesiase. Ta skoj li kʼusi la spasike, la staik-o epal bendision (Mar. 1:​16-18).