-
¿Kʼusi bendision tstaik li buchʼutik chchikintabeik Diose?Chikintao kʼusi chal Dios sventa chakuxi sbatel osil
-
-
SLAJUNVOKʼAL
¿Kʼusi bendision tstaik li buchʼutik chchikintabeik Diose?
Jutuk mu skotoluk li animaetike chchaʼkuxiik sventa chnakiik ta balumil (Echos 24:15).
¡Nopo xa noʼox avaʼi li bendisionetik chakʼupin mi chachikinta li kʼusi chal Jeovae! Muʼyuk xa bu cha-ipaj mi jaʼuk chlaj yipal abekʼtal. Chʼabal xa chopol krixchanoetik. Xuʼ xa xapat avoʼonton ta stojolal skotolik.
Muʼyuk xa kʼusi kʼux chkaʼitik, chʼabal at-oʼonton mi jaʼuk okʼel. Muʼyuk xa buchʼu chmalub mi jaʼuk buchʼu chcham.
Jmoj chanaki xchiʼuk avamigotak xchiʼuk avutsʼ avalal. ¡Toj jun yutsil li kuxlejal ta Paraisoe!
Chʼabal xa buchʼu ta xiʼ. Chmuyubaj ta melel li krixchanoetike.
Tslajesbe skʼoplal skotol vokolil li Ajvalilal yuʼun Diose (Apokalipsis 21:3, 4).
-
-
¿Mi chchikinta j-orasiontik li Jeovae?Chikintao kʼusi chal Dios sventa chakuxi sbatel osil
-
-
XBULUCHVOKʼAL
¿Mi chchikinta j-orasiontik li Jeovae?
Chchikinta j-orasiontik li Diose (1 Pedro 3:12).
Li Jeovae chchikinta j-orasiontik (Salmo 65:2). Tskʼan ti akʼo xlokʼ ta koʼontontik li kʼusi chkalbetike.
Muʼyuk buchʼu yan stakʼ jkʼopontik, jaʼ noʼox li Jeovae.
Ep kʼusitik xuʼ xkaltik li ta j-orasiontike (1 Juan 5:14).
Jkʼantik ta orasion ti akʼo xkʼot ta pasel kʼusi tskʼan Dios li ta vinajel xchiʼuk ta balumile.
Kʼanbo Jeova sventa skoltaot ta spasel li kʼusi leke. Xuʼ xavalbe xtok ti akʼo xata aveʼele, avabtele, bu chanaki, akʼuʼ apokʼ xchiʼuk ti lekuk noʼox oyote.
Kʼalal chapas orasione, ta sbi me Jesus xapas sventa xavakʼ ta ilel ti oy sbalil chavil li kʼusi la spas ta atojolale.
-
-
¿Kʼuxi xuʼ xamuyubaj xchiʼuk avutsʼ avalal?Chikintao kʼusi chal Dios sventa chakuxi sbatel osil
-
-
XLAJCHAVOKʼAL
¿Kʼuxi xuʼ xamuyubaj xchiʼuk avutsʼ avalal?
Sventa xmuyubaj li utsʼ alaliletike, toj tsots skʼoplal ti skʼan sbaike (Efesios 5:33).
Li smantal Diose chal ti jaʼ noʼox xuʼ xnupun jun vinik xchiʼuk jun antse.
Li malalil ti skʼanoj yajnile chkʼuxubin xchiʼuk chichʼ ta mukʼ.
Li ajnilale skʼan skolta li smalale.
Li ololetike skʼan xchʼunbeik smantal li stot smeʼike.
Mu ta skʼakʼaluk avoʼonton xakʼopon abaik xchiʼuk mu xamukul sati abaik (Kolosenses 3:5, 8-10).
Li Skʼop Diose chal ti tsots skʼoplal skʼan yajnil li malalil jech kʼuchaʼal skʼanoj sbekʼtal stuke, jech xtok, chal ti skʼan xichʼ ta mukʼ smalal li ajnilale.
Chopol ti chchiʼin sbaik ta vayel li buchʼutik muʼyuk nupunemike. Chopol xtok kʼalal oy jayvoʼ yajnil li vinike.
Li Skʼop Diose chchanubtasvan kʼuxi xuʼ xmuyubaj li utsʼ alaliletike.
-