Jmoj tsobol skotol li kermanotaktike

Oy xa van ta chaʼmil jabil ti laj yakʼ ta naʼel Dios sventa xichʼ tsʼibael li kʼusi chal li stituloal videoe (1 Ped. 2:17). Akʼo mi jech, mas to toj tsots skʼoplal ti jtsaktik ta mukʼ li avie. Pe ¿kʼuxi xuʼ jkʼantik li kermanotaktik ti toj epik xchiʼuk ti oyik ta spʼejel Balumile? ¿Kʼusi xuʼ jpastik sventa mu sikub kuʼuntik li kʼanelal ta skoj ti jaʼ noʼox tskʼan sba stukik li krixchanoetike? (Mat. 24:12.) Kʼelo li video Jmoj tsobol skotol li kermanotaktike, vaʼun kʼelo mi xtakʼ avuʼun li sjakʼobiltak liʼe (saʼo ta jw.org/tzo, akʼbo klik ta «VUNETIK XCHIʼUK YAN KʼUSITIK», ta tsʼakale ta «VIDEOETIK»).

1) ¿Kʼusi skʼan jpastik sventa jmoj xa tsobolutik xchiʼuk li kermanotaktike? 2) ¿Kʼusi oxtos abtelal ta jpastik? 3) ¿Kʼuxi chakʼik ta ilel ermanoetik ti oy ta yoʼonton chcholik mantal li ta 1) namal parajeetik ta Alaskae, 2) li ta smukʼta kotleb varkoetik ta Europae xchiʼuk 3) li ta mukʼta ukʼum Amazonas ti te oy ta Perue? 4) ¿Kʼu yuʼun muʼyuk lek ti ta jnoptik ti xkoʼolaj kʼuchaʼal kʼusiuk noʼox abtelal li cholmantale? 5) ¿Alo kʼuxi spatojbe sba yoʼontonik xchiʼuk skoltaoj sbaik li stestigotak Jeova kʼalal ch-echʼ 1) tsatsal nikeletik, 2) tsatsal ikʼaloʼ xchiʼuk 3) kʼalal oy paskʼope? 6) ¿Kʼuxi xuʼ xkakʼtik ta ilel ti jkʼanojtik skotol li ermanoetike? (Juan 13:35.) 7) ¿Kʼusi sbalil ta jtatik kʼalal jmoj chij-abtej ta svaʼanel Salonetik xchiʼuk li kermanotaktike? 8) ¿Kʼuxi laj yutik sventa tsotsikuk-o ta mantal li ermanoetik li ta slokʼeb Kʼakʼal ta Europa xchiʼuk ta Rusia kʼalal jaʼo kontrainbilike? 9) ¿Kʼusi tspasik junantik stestigotak Jeova yoʼ chbatik li ta asambleae xchiʼuk kʼu yuʼun ti oy ta yoʼonton chbatike? 10) ¿Kʼuxi tstij avoʼonton li video 1) sventa jmoj chatunik ta stojolal Jeova xchiʼuk skotol li ermanoetike, 2) sventa chakolta yantik kʼalal jaʼo chil svokolike xchiʼuk 3) sventa chachol mantal ta skotol orae? 11) Li video liʼe, ¿kʼuxi xuʼ jtunestik ta cholmantal sventa jkoltatik yantik?

Jaʼ jmoj tsobolutik-o ta skoj ti jkʼanojtik li Jeovae. Jaʼ yuʼun oy ta koʼontontik ta jchanbetik mas skʼoplal li Jdiostike xchiʼuk ti xkalbetik batel yantike. Jech xtok, jkʼanojtik li buchʼu skʼanoj Jeovae. Kʼalal ta jkoltatik li buchʼu oy svokole, mu me jmalatik ti stojbutik ta vokol li Diose. Li kʼusi xuʼ jpastike jaʼ ti jtojbetik ta vokol Jeova li matanal yakʼojbutike: ti jmoj tsobolutik xchiʼuk skotol li kermanotaktike. Yoʼ to ta jmalatik chichʼ lajesel li balumil ti jaʼ noʼox tsaʼ li kʼusi tskʼan stukike, jkʼantik-o me li kermanotaktik ta spʼejel Balumile.