Chnoj ta yojtikinel Jeova spʼejel li Balumile

11:6-9

¿Kʼuxi kʼot ta pasel ta stojolal j-israeletik li albil kʼop liʼe?

• Li j-israeletike muʼyuk xiʼik ta skoj li jtiʼval chonbolometik xchiʼuk muʼyuk kʼusi pasbatik yuʼun li krixchanoetik kʼalal chanavik lokʼel li ta Babiloniae xchiʼuk kʼalal te xa oyik li ta lekubtasbil osile (Esd 8:21, 22).

¿Kʼuxi chkʼot ta pasel ta jkʼakʼaliltik li albil kʼope?

• Li yojtikinel Jeovae sjelojbe stalelal epal krixchanoetik. Lek xa stalelalik li buchʼutik toj chopolik toʼoxe. Li Jeovae yakʼoj jkʼupin jkuxlejaltik ti xkoʼolaj xa kʼuchaʼal paraiso ta spʼejel Balumile.

¿Kʼuxi chkʼot ta pasel ta jelavel li albil kʼope?

• Li Balumile tspas ta jun paraiso ti jun xa koʼontontik te chijnaki jech kʼuchaʼal la spas Dios ta slikebale. Muʼyuk xa chijxiʼ yuʼun li krixchanoetike xchiʼuk muʼyuk xa xibal sba li chonbolometike.

Li Pabloe jelbat-o xkuxlejal kʼalal laj yojtikin Diose

• Kʼalal fariseo toʼoxe, jech toʼox stalelal jech kʼuchaʼal jtiʼval chonbolometik (1Ti 1:13).

• Jelbat-o stalelal ta skoj ti lek laj yojtikin Diose (Kol 3:8-10).