¿Kʼu yuʼun ep sbalil chavil li melel yichʼel ta mukʼ Jeovae?

Li templo akʼbat yil Ezequiele jaʼ patbat-o yoʼontonik li judaetik batemik ta chukel ti chchaʼta yav li melel yichʼel ta mukʼe. Li melel yichʼel ta mukʼ Jeova ta slajebal kʼakʼale «jaʼ toyol [kʼotem] yuʼun li yantic vitsetique», yuʼun tsobol chkichʼtik ta mukʼ Jeova manchuk mi jelel jlumaltik (Is 2:2). ¿Mi oy xachʼakbe yorail sventa xanopbe skʼoplal li mukʼta matanal ataoj ti xavojtikin xchiʼuk ti chatun ta stojolal Jeovae?

¿KʼUSI BENDISIONAL TA JTATIK MI JECH CHKICHʼTIK TA MUKʼ JEOVA KʼUCHAʼAL TSKʼANE?

• 

  Chakʼbutik epal veʼlil ta mantal ti tskoltautik ta jkuxlejaltike, chakʼbutik beiltaseletik ti chtun kuʼuntike xchiʼuk tspat koʼontontik (Is 48:17, 18; 65:13; Ro 15:4).

• Jun kʼupil sba utsʼ alalil ta spʼejel Balumil ti skʼanoj sbaike (Sl 133:1; Jn 13:35).

• Xijmuyubaj kʼalal jmoj chij-abtej xchiʼuk Diose (Ech 20:35; 1Ko 3:9).

• Chakʼbutik li «jun oʼontonal yuʼun Dios» sventa stsatsubtasutik kʼalal oy jvokoltike (Flp 4:6, 7).

• Ti sak li jol koʼontontike (2Ti 1:3).

• Ti lek xkil jbatik xchiʼuk li Jeovae (Sl 25:14).

¿Kʼuxi chkakʼ iluk ti oy sbalil chkil li melel yichʼel ta mukʼ Jeovae?