KʼUSITIK KʼUPIL SBA TA VIVLIA | MATEO 18, 19
Mu me jmak koktik xchiʼuk mu me jmakbetik yok li yantike
Li Jesuse la stunes skoʼoltasobiltak sventa chakʼ ta ilel ti toj chopol mi laj kakʼtik oy kʼusi smak koktike o mi ta jmakbetik yok li yantike.
Kʼalal «tsmakbe yok [yantik]» xie, jaʼ chalbe skʼoplal li kʼusi chichʼ pasele o li kʼusi chkʼot ta pasel ti jaʼ ch-ikʼvan-o ta spasel li kʼusi chopole, ti jpastik tsatsal mulile, ti jmak-o koktike o ti chijlom ta lum xkaltike.
Jaʼ me mas lek ti jokʼan ta jnukʼtik mukʼta tone, vaʼun ti jten jbatik batel ta oʼlol nab mi oy buchʼu xuʼ jmakbetik yoke.
Mukʼta tonetik
Li Jesuse laj yalbe yajtsʼaklomtak ti akʼo sjipik lokʼel li kʼusi oy sbalil yuʼunike, jech kʼuchaʼal li skʼobik o li sbekʼ satik mi jaʼ tsmak-o yokike.
Jaʼ mas lek ti jiptik lokʼel li kʼusi ep tajek sbalil ta jbekʼtaltik sventa xij-och li ta Ajvalilale, jaʼ vokol me te lijbat ta Jeena jchiʼuktike, jaʼ xkaltik ti xkichʼtik-o lajesele.
¿Kʼusi van xuʼ jpas sventa mu xkakʼ ti akʼo oyuk kʼusi smak li koke xchiʼuk sventa mu jmakbe yok li yantike?