Albo yaʼiik ti toj tunel yuʼun ta xkuxlejalike

Proverbios 3:​21

KʼUSI SMAKOJBE SKʼOPLAL: Akʼo yaʼibeik lek smelolal kʼusi sbalil tstabeik ta jujuntal li kʼusi chavale xchiʼuk albo yaʼiik li kʼusi skʼan spasik ta sventa li kʼusi yakal chchanike.

KʼUXI TA PASEL:

• Nopo ta stojolal li buchʼutik chchikintabote. Nopo kʼu yuʼun skʼan xchikintaik li kʼusi chavale xchiʼuk jaʼ xatʼuj li bu mas chtun yuʼunike.

• Kʼalal chavetʼes li apartee, jamal alo li kʼusi skʼan akʼo spasike. Kʼalal naka to chalikes li mantale, xiuk me xlik snopik avuʼune: «¡Jtunel kuʼun maʼ taje!». Kʼalal chavalbe smelolal ta jujutos li kʼusi mas tsotsik skʼoplale alo kʼuxi xuʼ xakʼ ta xkuxlejalik xchiʼuk jamaluk ta aʼiel.