Oyuk kʼusitik xajakʼ

Mateo 16:13-16

KʼUSI SMAKOJBE SKʼOPLAL: Ta slekiluk avoʼonton oyuk kʼusi xajakʼ sventa xkʼot ta oʼontonal li mantal chavetʼese xchiʼuk jechuk-o xapas, ti xarasonaj xchiʼuk li krixchanoe xchiʼuk ti xavalbe smelolal li kʼusi mas tsotsik skʼoplale.

KʼUXI TA PASEL:

• Kʼotuk ta oʼontonal li mantal chavetʼese xchiʼuk jechuk-o me xapas. Oyuk kʼusitik lek xajakʼ sventa xtijbat yoʼontonik ta xchikintael li kʼusi chavale xchiʼuk ti snopbeik skʼoplal li stakʼobile.

• Koltao sventa xaʼibeik lek smelolal. Sventa xkʼot ta yoʼontonik avuʼune oyuk kʼusitik xajakʼ sventa xaʼibeik lek smelolal li kʼusi mas tsotsik skʼoplal li ta mantal chavetʼese.

• Albo smelolal li kʼusitik mas tsots skʼoplale. Oyuk kʼusi xajakʼ kʼalal skʼan toʼox xaval li kʼusi mas tsots skʼoplale sventa oyuk xa ta yoʼontonik xchikintaele. Sventa xvul ta sjolik li mantale oyuk kʼusi xajakʼ mi laj xa ox avalbe smelolal ta jujukoj li kʼusi mas tsots skʼoplale o kʼalal skʼan toʼox stsuts avuʼune.