Kʼelavil kʼuxi xuʼ xatabe sbalil li jujun xchanobile
Sventa xachan li vun liʼe, skʼan oyuk buchʼu skoltaot. Xuʼ xavalbe akʼo xchanubtasot li buchʼu laj yakʼbot li foyeto liʼe o kʼano chanubtasel ta jpajinakutik ta Internet ta jw.org.
BAʼYEL PARTE
Kʼelo skotol li tekstoetike, li sjakʼobiltak ti oy snumeroale (A) xchiʼuk li tekstoetik ti bonbil ta ikʼ (B) ti chakʼ ta ilel li kʼusitik mas tsots skʼoplale. Talem junantik tekstoetik xtok ti chal ti skʼan xakʼele.
XCHIBAL PARTE
Li ta baʼyel parafo ti bu chal: «Jchantik to batel mas» xie, jaʼ chal li kʼusitik ta jchantik batele (C). Li sbikʼtal bi ti oy snumeroaltake chakʼ ta ilel li kʼusitik mas tsots skʼoplale (D). Kʼelo skotol li tekstoetike, takʼo li kʼusitik chichʼ jakʼele xchiʼuk kʼelo li videoetike (E).
Kʼelo li lokʼoletike xchiʼuk li kʼusi chchapbe smelolal teye (F). Jech xtok, nopo kʼusi van chatakʼ ti bu chal: «Junantike xi chalike» (G).
YOXIBAL PARTE
Li jujun xchanobile yichʼoj talel «¿Kʼusi la achan?» xchiʼuk «Svulesobil ta joltik» (H). Tsʼibao kʼusi ora tsuts avuʼun li xchanobile. Ti bu chal: «Paso liʼe», te chal li kʼusitik xuʼ xapas sventa masuk to xavaʼibe smelolal li kʼusi chachane (I). Ti bu chal: «Xuʼ to xakʼel liʼe», te chata yan mantaletik xchiʼuk videoetik ti xuʼ xakʼel atuke (J).
¿Kʼuxi xuʼ jtatik junuk teksto ta Vivlia?
Kʼalal chalbe skʼoplal junuk tekstoe, baʼyel chal kʼusi livroal (A), laje kʼusi skapituloal (B) xchiʼuk kʼusi versikulo o versikuloetik chichʼ kʼelel (C). Kʼalal chal Juan 17:3, jaʼ skʼan xal «slivroal Juan, kapitulo 17, versikulo 3».