Kʼelavil kʼuxi xuʼ xatabe sbalil li livro liʼe
Yoʼ to mu xlik achan li livro liʼe, baʼyel chano liʼe. Mi laje, kʼelo li VIDEOE.
BAʼYEL PARTE
Yoʼ to mu xachanik li jujun xchanobile, baʼyel kʼelo atuk li baʼyel partee. Li sjakʼobiltak ti oy snumeroale (A) xchiʼuk li tekstoetik ti bonbil ta ikʼ (B) chakʼ ta ilel li kʼusitik mas tsotsik skʼoplale. Talem junantik tekstoetik xtok ti chal ti skʼan xakʼele.
XCHIBAL PARTE
Li ta baʼyel parafo ti bu chal: «Jchantik to batel mas» xie, jaʼ chal li kʼusitik ta jchantik batele (C). Li sbikʼtal bi ti oy snumeroaltake chakʼ ta ilel li kʼusitik mas tsots skʼoplale (D). Jmoj kʼelik xchiʼuk buchʼu chchanubtasot li tekstoetike, kʼelik li videoetike xchiʼuk takʼo li kʼusitik chichʼ jakʼele.
VIDEOETIK. Li ta rekuadro liʼe jaʼ te chata li videoetike. Li kʼusitik chvinaj ta junantik videoetike jaʼ jech kʼotemik ta pasel ta melel. Jaʼuk li ta junantike, jaʼ noʼox skʼelobiltak.
Kʼelo li lokʼoletike xchiʼuk li kʼusi chchapbe smelolal teye (E). Jech xtok, nopo kʼusi van chatakʼ ti bu chal: «Junantike xi chalike» (F).
YOXIBAL PARTE
Li jujun xchanobile yichʼoj talel «¿Kʼusi la achan?» xchiʼuk «Svulesobil ta joltik» (G). Tsʼibao kʼusi ora tsuts avuʼun li xchanobile. Ti bu chal: «Paso liʼe», te chal li kʼusitik xuʼ xapas sventa masuk to xavaʼibe smelolal li kʼusi chachane (H). Ti bu chal: «Xuʼ to xakʼel liʼe», te chata yan mantaletik xchiʼuk videoetik ti xuʼ xakʼel atuke (I).
Saʼobil
|
|
|
|
|
¿Kʼuxi xuʼ jtatik junuk teksto ta Vivlia?
Li Vivliae yichʼoj 66 bikʼtal livroetik. Pasbil ta chaʼvokʼ: li jvokʼe jaʼ li Tsʼibetik ta Ebreo xchiʼuk Arameo kʼope, li jvokʼ xtoke jaʼ li Tsʼibetik ta Griego Kʼope. Junantike Pokoʼ Testamento xchiʼuk Achʼ Testamento sbi yuʼunik.
Kʼalal chalbe skʼoplal junuk tekstoe, baʼyel chal kʼusi livroal (A), laje kʼusi kapituloal (B) xchiʼuk kʼusi versikulo o versikuloetik chichʼ kʼelel (C).
Kʼalal chal Juan 17:3, jaʼ skʼan xal «slivroal Juan, kapitulo 17, versikulo 3».