Jech kʼuchaʼal jkʼulejal li Vivliae

1. Li Vivliae jaʼ matanal yakʼoj Dios,

toj ep sbalil xchiʼuk solel toj chʼul.

Toj kʼupil sba skotol kʼusitik tey chal,

tspatbe yoʼnton skotol buchʼu ta skʼel.

Ta xchʼul espiritu laj yakʼanbe snaʼ

ti kʼusi skʼan stsʼiba yajtuneltak.

Skotol kʼusi te tsʼibabil ta Vivlia,

likem talel ta stojolal Jeova.

2. Li Vivliae ta xchap kʼuxi la spas Dios

skotol kʼusi chkiltik li avie.

Chalbe skʼoplal ti lik stoy sba jun anjel

xchiʼuk ti la xchopol kʼopta Diose.

Laj yiktaik Dios li baʼyel vinik ants,

muʼyuk xchʼunik kʼusi yichʼik albel.

Kʼotik ta jpas mulil skotol krixchano,

pe li Diose poʼot xakʼ kolebal.

3. Avi kʼakʼal tspas xa mantal Xnichʼon Dios,

solel ta xakʼ tajek jun oʼntonal.

Kaltik batel skotol li bendision chakʼ,

skʼan me snaʼik skotol krixchanoetik.

Tspat oʼntonal kʼusi chal te ta Vivlia,

jaʼ matanal ti xuʼ ta jkʼeltike.

Mi ta jchantik Xchʼul Kʼop ta skotol ora,

sbatel osil chakʼ ep muyubajel.