KʼEJOJ 3
Tspat koʼnton xchiʼuk chakʼ kip Jeova
1. Spatobil koʼnton lavakʼ, Jeova,
kʼupil sba matanal.
Skotolik skʼan xaʼiik bal,
ti oy jun lekilal.
Pe ta skoj vul oʼnton sil kʼakʼal,
xiʼel chakʼ ta yut koʼnton.
Koltaun mu sikub batel
kʼanel ta yut koʼnton.
(ESTRIVIYO)
Jnaʼoj lek, chavakʼ kip,
chapatbun koʼnton,
chavakʼ kʼusiuk chtun kuʼun.
Kʼalal chbat jchol mantal,
kʼalal chkal abi,
teot ta jtojol, Dios Jeova.
2. Ta koʼnton jnakʼoj skotol, Jeova,
muʼyuk chʼayem ta jol
ti skotol ora chavakʼ kip
kʼalal chkil tsots jvokol.
Mi jtosuk preva tsikub yuʼun
ti solel ep jkʼanojot.
Sil kʼakʼal abi ta jpuk bal,
yuʼun chakoltaun.
(ESTRIVIYO)
Jnaʼoj lek, chavakʼ kip,
chapatbun koʼnton,
chavakʼ kʼusiuk chtun kuʼun.
Kʼalal chbat jchol mantal,
kʼalal chkal abi,
teot ta jtojol, Dios Jeova.
(Kʼelo xtok Sal. 72:13, 14; Prov. 3:5, 6, 26; Jer. 17:7).