SJAKʼOBIL 17
¿Kʼuxi tskolta avutsʼ avalal li Vivliae?
MALALILETIK/TOTILETIK
«Jaʼuk me jech akʼo skʼan yajnilik li malaliletik jech kʼuchaʼal skʼanoj sbekʼtal stukike. Skʼanoj sba stuk li buchʼu skʼanoj yajnile, yuʼun muʼyuk buchʼu spʼajoj li sbekʼtal stuke, ti kʼusie, tsmakʼlin xchiʼuk chkʼuxubin [...]. Ta jujuntaloxuk skʼan me xakʼan avajnilik jech kʼuchaʼal akʼanoj aba atukike».
«Totiletik, mu me xasabeik skʼakʼal yoʼonton li anichʼnabike, tukʼibtasik me sventa xachabiik xchiʼuk albeik mantal jech kʼuchaʼal tskʼan Jeovae».
AJNILALETIK
«Akʼo me yichʼ lek ta mukʼ smalal li ajnilale».
«Ajnilaletik, ichʼo me ta mukʼ amalalik, yuʼun kʼupil sba chil li Kajvaltike».
ALAB NICHʼNABILETIK
«Alab nichʼnabiletik, chʼunbo me smantal atot ameʼik jech kʼuchaʼal lek chil li Kajvaltike, yuʼun tukʼ ta sat li Diose. ‹Ichʼo ta mukʼ atot ameʼ›, taje jaʼ li baʼyel mantal ti jmoj te tsakal skʼoplal xchiʼuk li kʼusi xi albile: ‹Sventa lekuk xabat xchiʼuk jal xakuxi liʼ ta sba balumile›».
«Alab nichʼnabiletik, chʼunbo me smantal atot ameʼik ta kʼusiuk noʼox, yuʼun kʼupil sba ta stojolal li Kajvaltike».