¿Mi chapalun xa?
¿Mi chapalun xa sventa xilokʼ ta cholmantal?
Chapalot xa me mi chapas li kʼusitik liʼe:
mi nopem xavaʼi xchanel Avivlia, spasel orasion xchiʼuk mi chakʼot ta tsobajeletike.
mi tsots skʼoplal chavil li kʼusi chachane, mi achʼunoj xchiʼuk mi oy ta avoʼonton chavalbe batel yantike.
mi akʼanoj li Jeovae xchiʼuk mi jaʼ avamigotak li buchʼutik skʼanojik Jeovae.
mi muʼyuk xa atikʼoj aba ta politika o ta jecheʼ relijione.
mi chachʼunbe li smantaltak Diose xchiʼuk mi chakʼan chakʼot ta stestigoe.
Mi chapalot xa chavaʼi sventa xakʼot ta jun jcholmantale, chalbe moletik ta tsobobbail li buchʼu chchanubtasote, vaʼun chchiʼinoxuk ta loʼil sventa skʼelik mi xuʼ xa xakʼot ta jcholmantal.
¿Mi chapalun xa sventa xkichʼ voʼ?
Chapalot xa me mi chapas li kʼusitik liʼe:
mi jcholmantalot xae.
mi chalokʼilan ta cholmantal ti bu kʼalal xuʼ avuʼune.
mi chakolta li ‹tukʼil xchiʼuk pʼijil mosoile› xchiʼuk mi chachʼun li kʼusi chale (Mateo 24:45-47).
mi laj xa avalbe ta orasion Jeova ti chavakʼbe akuxlejale xchiʼuk mi chakʼan chatun ta sbatel osil ta stojolale.
Mi chapalot xa chavaʼi sventa xavichʼ voʼe, chalbe moletik ta tsobobbail li buchʼu chchanubtasote, vaʼun li moletike chchiʼinoxuk ta loʼil sventa skʼelik mi xuʼ xa xavichʼ voʼ.