Li Calendario 2011 chalbe skʼoplal yichʼel ta mukʼ Jeova ta kutsʼ kalaltik

Li Calendario de los testigos de Jehová 2011 jaʼ chalbe skʼoplal li Akʼobal sventa Yichʼel ta Mukʼ Jeova ta Kutsʼ Kalaltike. Te chvinaj kʼuyelan chchanik Vivlia jlom utsʼ-alaletik avie xchiʼuk ti kʼuyelan la spasik jlom utsʼ-alaliletik ta voʼnee. Te chvinaj xtok jun-chibuk nupultsʼakaletik ti muʼyuk yalab xnichʼnabike xchiʼuk yajtuneltak Dios ti muʼyuk snup xchiʼilike.

Li yajtuneltak Dios albil skʼoplalik ta Vivlia ti te slokʼolik ta kalendarioe, jaʼ noʼox oy ta yoʼontonik li smantaltak Jeovae, jech oxal tsal yuʼunik li prevaetike (Sal. 1:2, 3). Kʼalal ta jkʼeltik li jujun lokʼoletike, chvul ta joltik ti toj tsots skʼoplal li Akʼobal sventa Yichʼel ta Mukʼ Jeova ta Kutsʼ Kalaltike, akʼo mi mukʼ o bikʼit, mi oyutik ta mantal jkotoltik o mi muʼyuk. Li ta kalendarioe oy te xokol sventa jtsaktik kʼusi kʼakʼalil jchʼakojtik xchiʼuk kutsʼ kalaltik sventa jmoj chkichʼtik ta mukʼ li Jeovae. ¿Mi la atsakik xa li voʼoxuke?