«Ti kʼutik yelan xuʼ xkakʼtik li revistaetik ta...»

Li jvokʼ mantal ti chal kʼutik yelan xuʼ xkakʼtik li revistaetike, te chlokʼ skotol u li ta kʼusitik ch-echʼ ta Tsobajel sventa Tunelale. Li jvokʼ mantal taje maʼuk sventa xichʼ kʼelel skotol kʼusi yichʼoj li revistae, jaʼ sventa xichʼ alel kʼutik yelan xuʼ xichʼ akʼel. Jech kʼuchaʼal yichʼoj alel sventa li buchʼu tsjelubtas li mantal taje, li ermanoe jlikel noʼox tajek chakʼbe slikeb sloʼil xchiʼuk xmuyubaj noʼox tspas. Ta tsʼakale, tsjakʼbe li buchʼutik te ta tsobajel ti xalik kʼuxi snopoj tstunesik junuk mantal o jayibuk mantaletike. Mi jech chichʼ pasele, xuʼ jaʼ noʼox skʼelik ek li buchʼutik te oyike xchiʼuk tstsʼibaik ta vun li kʼusi xuʼ stunesik ta cholmantale. Li ermanoe mu persauk xalbe buchʼutik ta tsobajel ti akʼo yalik skotol ti kʼuxi chcholik mantale, moʼoj, jaʼ noʼox akʼo yalik kʼusi tsjakʼik xchiʼuk kʼusi teksto tskʼelik sventa xkʼot ta yoʼonton li krixchanoetike. Ta slajebe chjelav kʼuyelan ta akʼel jujulik li revistae. Chichʼ tijbel yoʼonton skotolik sventa kak skʼelik li revistaetike xchiʼuk ti xakʼ sloʼilik li ta tsobajele. Mi jkotoltik lek ta jchapan jbatike «ta ye cristiano xuʼ ta [xijpʼijub]» ta jujuntal (Prov. 27:17).