Svulesobil ta joltik li kʼusi jchanojtik ta Chanob vun sventa Kabteltik yuʼun Diose
Li sjakʼobiltak liʼe ta xichʼ alel ta tsobajel yuʼun Chanob vun sventa Kabteltik yuʼun Dios ta xemanail 26 yuʼun oktuvre ta 2015.
¿Kʼu yelan chakʼ iluk 2 Reyes 13:18 xchiʼuk 19 ti tsots skʼoplal ti ta sjunuluk koʼontontik xijtun ta stojolal Jeovae? [7 yuʼun sept., w10 15/4 paj. 26 par. 11.]
¿Buchʼu yakal ch-ajvalilaj ta Israel kʼalal jaʼo tun ta j-alkʼop li Jonase? Jech kʼuchaʼal chal ta 2 Reyes 14:23 kʼalal ta 25, ¿kʼu yuʼun mu kʼunuk laj yaʼi spasel li yabtele? [7 yuʼun sept., ia paj. 108 par. 4.]
¿Kʼu yelan laj yakʼ iluk Acaz ti muʼyuk bu spatoj yoʼonton ta sventa li kʼusi yaloj Dios ta stojolal Isaiase? ¿Kʼusi skʼan jakʼbe jbatik kʼalal oy kʼusi tsots skʼoplal ta jnop ta jpastike? (2 Rey. 16:7.) [14 yuʼun sept., w13 15/11 paj. 17 par. 5.]
¿Kʼusitik tstunesik avi li buchʼutik tskontrainik steklumal Dios jech kʼuchaʼal la spas li Rabsacese? ¿Kʼusi xuʼ skoltautik sventa jpʼajtik li kʼusitik chalik li jkontrainvanejetike? (2 Rey. 18:22, 25.) [14 yuʼun sept., w10 15/7 paj. 13 par. 3, 4.]
¿Mi toj echʼ noʼox tsots sjuʼel li yaj-anjeltak Jeovae? (2 Rey. 19:35.) [21 yuʼun sept., w15 15/5 paj. 10 par. 5.]
Li Josiase, ¿kʼusi xrextoik ta mantal laj yakʼbe komel li xnichʼnabtake? (2 Rey. 23:2, 3.) [23 yuʼun sept., w14 15/12 paj. 28 par. 5.]
Li snitilulaltak Josiase, ¿mi la xchanbeik li slekil talelale? (2 Rey. 23:31-34.) [28 yuʼun sept., w14 15/12 paj. 28 par. 6.]
¿Kʼuxi chakʼ iluk 1 Crónicas 3:1 xchiʼuk 5 ti lek xil sbaik xchiʼuk j-alkʼop Natán li Davide? [5 yuʼun okt., w12 15/2 paj. 24 par. 5.]
¿Kʼuxi laj yakʼ ta ilel David ti xaʼibe lek smelolal xchiʼuk ti yichʼoj lek ta mukʼ li smantal Jeova ta sventa li chʼichʼe, xchiʼuk kʼuxi xuʼ jchanbetik? (1 Crón. 11:17-19.) [19 yuʼun okt., w12 15/11 paj. 6, 7 par. 12-14.]
¿Kʼu yuʼun toj tsots skʼoplal skʼan jnaʼtik li kʼusitik chkʼot ta pasel avie? (1 Crón. 12:32) [26 yuʼun okt., lv paj. 185 par. 7.]