Sloʼil ermanoetik
Ep tajek sbalil kʼalal chkakʼ ta ilel xkʼuxul koʼontontike
Jun ermana ta Nueva Zelanda la skʼel li video Kʼuxuk ta koʼontontik li yantike. Li video taje chalbe skʼoplal ti kʼu yelan chakʼ ta ilel xkʼuxul yoʼonton li Jeovae (Is. 63:7-9). Vaʼun, la snop kʼuxi xuʼ xakʼ ta xkuxlejal li kʼusi la xchan ta videoe, lasaʼ buchʼu xuʼ skolta. Li vaʼ kʼakʼale bat ta manolajel, laj yil jun ants ti chʼabal snae ti ta kaye nakale. Vaʼun, laj yalbe ti chbat smanbe tal sveʼele. Lek laj yaʼi li antse. Kʼalal sut tal ta smanel veʼlil li ermanae, la xcholbe mantal xchiʼuk laj yakʼbe li tratado ¿Mi ta van xlaj li jvokoltike?
Tʼom yokʼel li antse. Laj yal ti ta sbikʼtal onoʼox xojtikinbe li smantal Jeovae, pe ti voʼne xa laj yikta li tsobajele. Chal ti jaʼtik toe laj yalbe Jeova sventa xkoltaat yoʼ sut li ta s-organisasione. Li ermanae laj yakʼbe jlik Vivlia xchiʼuk laj yalbe ti akʼo xlik xchanike.a
Jech kʼuchaʼal chkʼuxubinvan li Jeovae xuʼ me xkakʼ ta ilel xkʼuxul koʼontontik ta stojolal li krixchanoetike, li kutsʼ kalaltike xchiʼuk li kermanotaktike. Yan ti bu xuʼ xkakʼtik ta ilel xkʼuxul koʼontontik xtoke, jaʼ ti buchʼuuk noʼox jcholbetik mantale.
a Li ta mantal «Sutanik tal ta jtojolal» ti lokʼ li ta revista Li Jkʼel-osil ta toyol ta junio ta 2020, te chal kʼuxi xuʼ jkoltatik li buchʼutik chibajemik ta mantale.