Li kʼusi skʼan xanabe skʼoplale

Kuni ermanotak

Li Jkʼel-osil ta toyol liʼe yichʼoj voʼob xchanobiltak ti snitojbe sba skʼoplal li kʼusi chale:

• Li ta baʼyel xchanobile, jaʼ chkalbetik skʼoplal kʼusi spasoj Jeova sventa xakʼbutik ta ilel li kʼanelale xchiʼuk ti kʼu yelan tskoltautik sventa stsal kuʼuntik li mulile.

• Li ta xchibal xchanobile, te ta jkʼelbetik skʼoplal kʼusi tspas jun krixchano sventa xakʼ ta ilel ti sutesoj xa yoʼonton ta melele xchiʼuk ti kʼusi spasoj talel Jeova sventa skolta yoʼ sutes yoʼonton li krixchanoetike.

• Li ta yoxibal xchanobile, ta jkʼeltik kʼusi mantaletik laj yichʼik albel li tsobobbail ta Korinto sventa snaʼik kʼusi tspasik ta stojolal li buchʼu tsots la spas smul ti muʼyuk to sutesoj yoʼontone.

• Li ta xchanibal xchanobile, te ta jkʼeltik kʼuxi tskoltaik moletik ta tsobobbail li buchʼutik tsots spasoj smulike.

• Li ta svoʼobal xchanobile, ta jkʼeltik kʼuxi xuʼ xakʼik ta ilel kʼanelal li ta tsobobbaile xchiʼuk ti xkakʼbetik ta ilel xkʼuxul koʼontontik li buchʼutik yichʼojik lokʼesel ta tsobobbaile.