¿Mi jaʼ noʼox jun lekil krixchano echʼ ta balumil li Jesuse?
Li kʼusi chal Vivliae
Maʼuk noʼox jun lekil krixchano echʼ ta balumil li Jesuse. Yuʼun stuk noʼox jech ti nabil skʼoplal ta spʼejel balumile. Xi yalojik junantik jtsʼibajometik xchiʼuk j˗al˗loʼiletik ti lek ojtikinbilike:
«Li Jesus ta Nasarete […] jaʼ li buchʼu mas ojtikinbil ti kʼu xa sjalil jkuxlejaltike» (H. G. Wells, j˗al˗loʼil ta Gran Bretaña).
«Li xkuxlejal Jesuse ep tajek sjeloj talel jkuxlejaltik xchiʼuk jech˗o yakal tsjel jkuxlejaltik li avie» (Kenneth Scott Latourette, j˗al˗loʼil ta Estados Unidos).
Li Vivliae chalbutik srasonal kʼu yuʼun sjeloj tajek jkuxlejaltik li Jesuse. Taje muʼyuk yan krixchano jech pasem yuʼun. Kʼalal la sjakʼbe yamigotak Jesus mi snaʼik buchʼue, xi ta sjunul yoʼonton la stakʼ li june: «Voʼot li Kristoote, li Xnichʼon kuxul Diose» (Mateo 16:16).