Азькыл

Шудо семья луон понна 12 визь-кенешъёс

Ми ӵем кылӥськомы шуг-секытъёс сярысь, кудъёсыз семьяосты куашкато. Нош мар кароно, семья шудо мед луоз шуыса?

Огазеяськем Штатъёсын 1990—2015-тӥ аръёсы 50 ареслэсь бадӟымгес кузпалъёс пӧлын люкиськонъёслэн лыдзы кык поллы йылӥз, нош 65 ареслэсь бадӟымгес кузпалъёс пӧлын — куинь поллы.
Анай-атайёс паймемын: одӥгъёсыз специалистъёс нылпиосты ушъяны косо, нош мукетъёсыз — юн кырмыса возьыны.
Ӵем дыръя егитъёс бадӟым улонэ вамыш лэсьтыны дась ӧвӧл.

Озьы ке но:

Адямиос люкиськытэк вань улытозязы шудо луыны быгато.
Анай-атайёс дышетскыны быгато нылпиоссэс яратыса будэтыны.
Егитъёс быгато сыӵе сямъёсты будэтыны, кудъёсыз юрттозы соослы бадӟым будэмзы бере.

Мар кароно со понна? Лыдӟе та «Сайкалэ» журналэз но тодэ 12 визь-кенешъёсты, кудъёсыз юрттозы семьядылы шудо луыны.