Лыдӟисьёслэн юанъёссы

Пиосмурт но кышномурт, кудъёсыз ог-огзылы кузпалъёс ӧвӧл, коркан огназы уез ортчытӥзы, но соосты шонере поттӥсь мугъёс ӧвӧл. Лыдъяське-а со сьӧлыкен, кудзэ правовой комитет сэрттыны-пертчыны кулэ?

Лыдъяське. Кузпалъёс луисьтэм адямиос одӥг коркан огназы уез ортчыто но соосты шонере поттӥсь мугъёс ӧвӧл ке, со возьматэ, азон-калгон сьӧлык лэсьтэмын вал шуыса. Соин ик, шонере поттӥсь мугъёс ӧвӧл бере, со ужез правовой комитет сэрттыны-пертчыны кулэ (1 Кор. 6:18).

Тӧроослэн кенешсы пыр-поч эскероз котькуд нимысьтыз учырез но ужпум кутоз, кулэ-а правовой комитетэз люканы, ӧвӧл-а. Кылсярысь, тӧроос таӵе юанъёс вылын малпаськозы: пумиськыло-а со адямиос, азьланяз семья кылдытон вылысь? Алӥзы вал-а ини соосты тӧроос со пумысен, кызьы соос ог-огенызы асьсэды возё? Малы соослы уез одӥг коркан огназы ортчытоно луиз? Со азьвыл ик малпамын вал-а? Луэ вал-а та югдурын мукет сямен лэсьтыны? Яке сыӵе югдуръёс кылдӥзы но, соос номыр карыны ӧз быгатэ ни, уез одӥг коркан огназы ортчытоно луиз? (Екк. 9:11). Кытын соос уйзэ кӧлӥзы? Котькуд учыр туж пӧртэм бере, тӧроос мукетсэ но лыдэ басьтозы на, вылды. Со юрттоз соослы ужпум кутыны.

Ваньзэ пыр-поч эскерыса, тӧроослэн кенешсы ужпум кутоз, кулэ-а правовой комитетэз люканы, ӧвӧл-а.