Пуштросэз

Тодон-валан ӧжыт пайда вае, сое уже уд кутӥськы ке. Но сое уже кутон понна, зӥбыт-востэм сям кулэ. Та статья милесьтым мылкыдмес ӝутэ зӥбыт-востэм луыны, адӟем карыса Инмарлэн вашкала дыръёсы улӥсь ужась-тыршисьёсызлэсь, кудъёсыз пӧртэм адямиослы ӟеч иворез веразы, соос понна вӧсяськизы но чидаса витизы, ку Иегова кылдэм югдурез ас кияз басьтоз.

Та секыт дыръёсы улонын туж трос шуг-секытъёс, соин ик тросэзлэн мылкыдзы куашка. Иегова но Иисус юнмато милемыз. Озьы ке но котькудмылы асьмелы ог-огмес буйгатоно но юнматоно. Та статьяын эскериське, кызьы ми, мукетъёссэ яратыса, соослы юрттыны быгатомы.

Иегова — шудо Инмар. Солэн потэ, солэн ужась-тыршисьёсыз но шудоесь мед луозы шуыса. Нош кызьы шумпотыса улоно Шайтанлэн дуннеяз, кытын сомында шуг-секытъёс? Гурезь йылын тодытыкуз, Иисус вераз, маин герӟаськемын зэмос шуд.

Туннэ адямиос тросгес но тросгес асьсэды ярато. Нош зэмос христианъёс соослэсь пӧртэмесь луо, малы ке шуоно соос зэмзэ ик адямиосты ярато. Одӥгез амал, кызьы соос яратэмзэс возьмато, соос мукетъёссэ шӧдыны-валаны тыршо. Та кык статьяос пӧлысь нырысетӥяз ми эскеромы, кызьы Иегова милемыз шӧдэ-вала, нош кыкетӥяз — кызьы ми солэсь адӟем карыны быгатӥськомы.