Тодӥськоды на-а тӥ?

Быгатоды-а тӥ валэктонъёс сётыны юанъёслы, кудъёсыз эскериськизы 2019-тӥ арын поттэм «Возьмаськон башняын»?

Мае возьматэ Инмарлэн кыл сётонэз: «Тыныд пумит лэсьтэм одӥг арберилэн но азинлыкез уз луы»? (Ис. 54:17).

Ми оскыны быгатӥськомы: Иегова утёз милемыз «жалянэз тодӥсьтэм эксэйёслэн йыркурен шокамзылэсь» (Ис. 25:4, 5). Тушмонъёсмы ноку но уз быгатэ милемлы тупатыны луонтэм изъян вайыны (w19.01, 6—7-тӥ бамъёс).

Кызьы Иеговалэн хананей калык шоры но ваменэс израиль калык шоры учкемез возьматэ солэсь шонерлыко луэмзэ?

Иегова кыл кутытӥз адямиосты, кудъёсыз азон-калгонэн герӟаськем юрӟым ужъёсы пыриськизы но кышномуртъёсын но нылпиосын асьсэды лек возизы. Нош со дыре ик Инмар бакель карылӥз адямиосты, кудъёсыз солэсь кылзӥськизы но мукетъёсыныз асьсэды шонерлыко возизы (w19.02, 22—23-тӥ бамъёс).

Мар кароно, куке ми азьын вӧсяське адями, кудӥз Иеговалэн ужась-тыршисез уг луы?

Сыӵе учыръёсы, гажанмес возьматыса, номыр вератэк улыны луэ. Ми «аминь» ум вералэ но вӧсяськон дыръя ог-огмылэсь кимес ум кутэ. Ас поннамы вӧсяськыны луоз (w19.03, 31-тӥ бам).

Макем секыт сьӧлык луэ нылпиосты эриктэман?

Нылпиез эриктэман — со аслыз нылпилы пумит сьӧлык, озьы ик кенешлы, та дуннеысь кивалтӥсьёслы но Инмарлы пумит сьӧлык. Тӧроос кылзӥсько та дуннеысь катъёслэсь, кудъёсыз косо эриктэман учыръёс сярысь кивалтӥсьёслы ивортыны (w19.05, 9—10-тӥ бамъёс).

Мар юрттоз малпаськон амалэз воштыны?

Со понна вӧсяськоно; малпаськоно, малпанъёсмес но мылпотонъёсмес валан понна; озьы ик эшъёсты шонер быръёно (w19.06, 11-тӥ бам).

Кызьы али ик ини уйылон-уллянъёслы дасяськоно?

Иеговаен кусыпъёстэс юнматэ. Оске: Иегова тӥледыз яратэ но ноку уз кельты. Котькуд нунал Библиез лыдӟе но ялан вӧсяське. Оске, Инмарлэн Эксэйлыкез бакель каронъёс зэм но ваёз шуыса. Библиысь яратоно кылбуръёстэс но Иеговаез данъясь кырӟанъёсты дышетэ (w19.07, 2—4-тӥ бамъёс).

Кызьы ӵыжы-выжыосмылы утиськыны юрттоно?

Лыдэ басьтэ соослэсь шӧдонъёссэс. Тодады возе: ужъёс кылъёслэсь тросгес верало. Чидасесь но лякытэсь луэ (w19.08, 15—17-тӥ бамъёс).

Мар юрттоз милемлы буйгатскон шедьтыны, кудӥз сярысь верамын Матфейлэсь 11:28?

Милям вань яратӥсь кивалтӥсьёсмы, самой умой эшъёсмы но самой умой ужмы (w19.09, 23-тӥ бам).

Кызьы Иегова милемлы аслэсьтыз эриксэ быдэстыны мылкыд но кужым сётыны быгатэ? (Флп. 2:13).

Ми Инмарлэсь Кылзэ лыдӟиськомы ке но со вылын малпаськиськомы ке, соку со шонер ужъёс лэсьтыны мылкыд но кужым сётыны быгатэ. Со аслэсьтыз святой духсэ сётыны дась, быгатонлыкъёсмес умоятон понна (w19.10, 20—21-тӥ бамъёс).

Кыӵе визь-кенешъёс юрттозы кулэ луись ужпум кутыны?

1) Визьлык сярысь вӧсяське. 2) Пыр-поч эскерон ортчытэ. 3) Малпаське, малы тӥ сыӵе ужпум кутӥськоды. 4) Асьтэлы валамон ужпумъёс пуктэ. 5) Асьтэлэсь лэсьтыны луонтэмзэ эн возьмалэ (w19.11, 27—29-тӥ бамъёс).

Кылдӥз-а дышетон, адямилэн лулыз ноку но уз кулы шуыса, соку, куке Шайтан Еваен вераськиз?

Ӧз, дыр. Шайтан Евалы вераз, со ноку но уз кулы шуыса. Со ӧз вера, солэн мугорыз гинэ кулоз шуыса. Ву тудӟон дыръя вань шонертэм религиозной дышетонъёс быризы. Адямилэн лулыз ноку но уз кулы шуыса дышетон кылдӥз, дыр, Инмарлэн калыкъёсты «быдэс дунне вылэ улыны» пазьгемезлэсь азьло, куке соос Вавилонын башня пуктыны кутскизы (w19.12, 15-тӥ бам).