«Соослэсь оскемзэс адӟем каре»
1. Кыӵе публикациез ми эскеромы кенешын Библиез дышетон дыръя 19-тӥ коньывуонэ кутскись арняысен?
1 2015-тӥ арын 19-тӥ коньывуонэ кутскись арняысен кенешын Библиез дышетон дыръя «Соослэсь оскемзэс адӟем каре» (ӟуч кылын) книгаез эскеромы. Та публикациын Библиысь 14 адямиос сярысь верамын — Инмарлы оскымон пиосмуртъёс но кышномуртъёс сярысь. Куке ми со книгаез лыдӟиськомы, со адямиос малпанъёсамы улӟо кадь, со юрттэ милемлы соосты улэп адямиосты кадь син азямы пуктыны, кудъёсыз, Иеговалы ужаса-тыршыса, шуг-секытъёсын пумиськылӥзы. Озьы ик отын пайдаё визь-кенешъёс вань (Евр. 6:12).
2. Вералэ куд-ог пӧртэмлыкъёссэ «Соослэсь оскемзэс адӟем каре» книгалэсь.
2 Пӧртэмлыкъёсыз. Книгаын дырез возьматӥсь гож но мутусъёс вань, кудъёсыз юртто тодыны, кытын но ку со яке та адями улӥз. Котькуд люкетын «Мар вылын малпаськоно» рамка вань, кудӥз милесьтым мылкыдмес ӝутоз лыдӟемез вылын малпаськыны но тодэммес уже кутыны. Пӧртэм буёло, умой малпам трос суредъёс юрттозы милемлы верам югдуръёсты яркытгес син азямы пуктыны.
3. Мар ми карыны быгатӥськомы, та публикациез дышетон тросгес пайда мед ваёз шуыса?
3 Книгаез эскеронъя визь-кенешъёс. Книгалэн кутсконаз Кивалтӥсь кенешлэн гожтэтэз вань, кудаз верамын: «Малпаське но тырше яркыт син азяды пуктыны сое, мае шӧдо адямиос, кудъёсыз сярысь Библиын верамын, но тырше адӟыны сое, мае соос адӟо. Малпаське, мар тӥ карысалды соос интыын». Син азе пуктыса малпаськон уг возьматы ӧвӧлтэмзэ вань каремез. Со возьматэ, син азе пуктыны сое, мар сярысь вераське Инмарлэн Кылаз, но шӧдыны сое, мае шӧдӥзы со адямиос. Со понна малпаськыны дыр висъяны кулэ (Неем. 8:8). Сётэм материал люкетлэн шорысеныз кутске ке, ортчытӥсь одӥг минут куспын, яке ӧжытгес, тодазы вайытоз кылем арняе ортчем материалэз. Сётэм материалэ «Мар вылын малпаськоно» рамка уг пыры ке, пумаз луоз сётыны одӥг-кык юан, ортчемзэ юнматон понна.
4. Малы «Соослэсь оскемзэс адӟем каре» книгаез дышетон милемлы пайда ваёз?
4 Дунне, кудаз ми улӥськомы, котькуд нунал милесьтым осконмес пӧртэм амалъёсын быдтыны яке лябӟытыны тырше. Та книга, озьы ик статьяос, кудъёсыз вылэ пыкиськемын книга,— Иеговалэн кузьымез, кудӥз юрттэ милемлы осконмес юнматыны (Иак. 1:17). Ойдолэ быдэсак уже кутомы та кузьымез, кенешын Библиез дышетонэ котьку ветлыса но та книгаез эскеронэ мылысь-кыдысь пыриськыса!