Ужан-тыршонын нылпи ке ӧссэ усьтэ

Ужан-тыршонын нылпи ке ӧссэ усьтэ, соку милемлы куроно анай-атайзэ ӧтьыны. Озьы ми возьматомы, анай-атайёсыз, йыр луисьёсыз кадь, гажаськомы шуыса (Мд 6:20). Нылпи пырыны ке ӧте, соглаш кариськоно ӧвӧл. Анай-атаез дораз ӧвӧл ке, умойгес луоз мукет дыръя лыктыны.

Ӧссэ быдэ вуымтэ пинал ке усьтэ, кылсярысь, бадӟым классъёсын дышетскись, соку но куроно анай-атайзэ ӧтьыны. Соос доразы ӧвӧл ке, юано, лэзё-а соос солы аслыз бырйыны, мае лыдӟыны. Лэзё ке, ми солы публикациосмес ӵектыны быгатомы.

Ми выльысь лыктӥськомы ке быдэ вуымтэ пинал доры, кудӥз тунсыкъяськиз, милемлы куроно сое анай-атаеныз тодматыны. Озьы ми быгатомы соослы валэктыны, малы ми лыктӥмы, но возьматыны, макем пайдаё луо визь-кенешъёс, кудъёссэ Библия семьяослы сётэ (Пс 118:86, 138). Озьы анай-атайёсыз гажамы но соослы саклык висъямы ке, со юрттоз соослы ми шоры умоен учкыны. Соку милям луонлыкмы кылдоз семьяысь мукетъёсызлы но ӟеч иворез вераны (1Пт 2:12).