Ужан-тыршон быгатонлыкъёсмес умоятӥськомы. Дышетскисьлэсь сюлэмзэ вырӟытӥськомы, «Инмарлэн яратоназ улэ» книгаез уже кутыса

МАЛЫ СО КУЛЭ: Адямиослэн йыбырттэмзы Иеговалы ярамон мед луоз шуыса, соослы Иеговалэсь эсэпъёссэ тодыны но соосъя улыны кулэ (Ис 2:3, 4). «Инмарлэн яратонэз» книга (ӟуч), Библиез дышетонъя кыкетӥез пособимы, дышетскисьёслы юрттэ валаны, кызьы Инмарлэсь возетъёссэ улонын кутоно (Евр 5:14). Библиез дышетыку милемлы тыршоно дышетскисьлэсь сюлэмзэ вырӟытыны. Соку солэн, улонысьтыз мае ке воштон понна, шонересь мугъёсыз луозы (Рм 6:17).

КЫЗЬЫ СОЕ ЛЭСЬТОНО:

• Умой дасяськы но дышетскисьлэсь кулэяськонъёссэ лыдэ басьты. Юа, мар со малпа со яке та пумысен. Со юрттоз тыныд валаны, кыӵе малпанъёсыз но шӧдонъёсыз кылдо солэн, сётэм материалэз эскерыку (Мд 20:5)

• Уже кут книгаын сётэм рамкаосты, дышетскисьлы Библиысь возетъёслэсь пайдаё луэмзэс адӟыны юрттон понна

• Юртты дышетскисьлы ужпум кутыны сыӵе юанъёсын, кудъёсаз возьытлыкез лыдэ басьтоно; нош ачид со интые ужпумъёс эн кут (Гл 6:5)

• Лякытэн тодыны тыршы, дышетскисьлы Библиысь возетъёсты уже кутыны юрттоно-а, ӧвӧл-а. Небытэн вера, Иеговаез яратон кулэ луись воштӥськонъёс лэсьтыны юрттоз шуыса (Мд 27:11; Ин 14:31)