Ужан-тыршонын ресурсъёсты визьмо уже кут

Иисус Христос шуиз: «Дунтэк басьтӥды, дунтэк сётэлэ» (Мф 10:8). Ми та косонлэсь кылзӥськиськомы, соин ик Библия но со вылэ пыкиськыса гожтэм публикациос понна адямиослэсь коньдон ум басьтӥське (2Кр 2:17). Озьы ке но, кулэ тодамы возьыны, публикациосамы Инмарлэн Кылысьтыз дуно зэмлык гожтэмын шуыса. Аудио-, видео- но мукет материалъёсты дасян понна, трос коньдон но кужым кулэ.

Умой малпаськы, кулэ-а кинлы ке мае ке электрон форматэн сётыны яке ӧвӧл-а (Мф 7:6). Тыршы вераськыны адямиен, тодон понна, тунсыкъяське-а со, уг-а. Адями тунсыкъяське-а шуыса тодон понна, малпаськы рамкаын сётэм тодметъёс вылын. Соос пӧлысь одӥгез ке но быдэсъяське-а? Адямилэсь тунсыкъяськемзэ валаны уг луы ке, кулэ ӧвӧл мае ке солы кужмысь дэмланы. Нош со ачиз брошюра яке мукет публикация куре ке, ми солы шумпотыса сётомы (Мд 3:27, 28).