Иеговалэн вылӥ эсэпъёсызъя ул

Иегова Инмар адямиослы вылӥ эсэпъёс сётӥз. Кылсярысь, со валамон вераз, кузпалъёслы люкиськоно ӧвӧл шуыса (Мф 19:4—6, 9). Инмар азон-калгонэн герӟаськем котькыӵе ужъёсты уродэн лыдъя (1Кр 6:9, 10). Со сяна, Иегова дӥськут но вылтус пумысен возетъёс сётӥз, кудъёссэ лыдэ басьтыса, солэн калыкез та дуннеысь адямиослэсь висъяське (КЗк 22:5; 1Тм 2:9, 10).

Туннэ тросэз Иеговалэсь эсэпъёссэ палэнто (Рм 1:18—32). Соос дӥсясько но асьсэзыз возё озьы, кызьы та дуннеын вӧлмемын. Адямиос азыса-калгыса улэменызы ушъясько, нош вылӥ эсэпъёсъя улӥсьёсты серем каро (1Пт 4:3, 4).

Ми Иеговалэн Адӟись-Ивортӥсьёсыз, соин ик милемлы Инмарлэн вылӥ эсэпъёсызлы дурбасьтоно (Рм 12:9). Кызьы? Ми шонер, но со дыре ик гажаса вераськомы мукетъёсызлы, мар Инмарлы ярамон луэ, нош мар уг. Со сяна, ми асьмеос но вылӥ эсэпъёсъя улӥськомы. Кылсярысь, куке тон малпаськиськод, кызьы дӥсяськоно, юа аслэсьтыд: «Мон дӥсяськисько Иеговалэн яке та дуннелэн эсэпъёсызъя? Возьматэ-а мынам вылтусы но дӥськутэ, мынам Иеговаез шумпоттэме потэ шуыса?» Нош куке тон бырйиськод, кыӵе фильм учкыны, таӵе юанъёс сярысь малпаськы: кельшоз-а со Иеговалы? Кыӵе эсэпъёсъя улыны со мылкыдме ӝутэ? Та фильм вылӥ эсэпъёсъя улыны мылкыдме уз куашкаты-а? (Пс 100:3). Мон та фильмез учки ке, со мынэсьтым семьяме яке мукет адямиосты визь сынаськонэ уз пырты-а? (1Кр 10:31—33).

Малы туж кулэ улыны Иеговалэн вылӥ эсэпъёсызъя? Малы ке шуоно Иисус Христос урод уж лэсьтӥсьёсты музъем вылысь ӝоген быдтоз (Иез 9:4—7). Со вылын Инмарлэсь эриксэ быдэсъясьёс гинэ кылёзы (1Ин 2:15—17). Ойдолэ котьку но Инмарлэн вылӥ эсэпъёсызъя уломе, мукетъёсыз, милесьтым ӟеч ужъёсмес адӟыса, Инмарез мед данъялозы шуыса! (1Пт 2:11, 12).

«СТАНЬ ДРУГОМ ИЕГОВЫ. ОДИН МУЖЧИНА, ОДНА ЖЕНЩИНА» МУЛЬТФИЛЬМЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Малы визьмо луоз Иеговалэн эсэпъёсызъя улыны?

• Малы анай-атайёс нылпиоссылы Иеговалэн эсэпъёсыз сярысь пичи дырысенызы ик вераны кулэ?

• Кызьы пичиосыз но, бадӟымъёсыз но адямиослы юрттыны быгато Иеговалэн эшъёсыз луыны?