Кызьы дышетсконо Библиез тыршыса эскерыны

Потэ-а тынад, осконэд Данииллэн кадь юн мед луоз шуыса? Даниил Инмарлэсь Кылзэ тыршыса эскериз, азьпалзэ ивортонъёсты но, кудъёссэ валаны капчи ӧй вал (Дн 9:2). Библиез пыр-поч эскеремед тыныд шуг-секытъёс дыръя Инмарлы оскымон кыльыны юрттоз. Кызьы? Со Инмарлэн кыл сётонъёсызлы оскондэ юнматоз (ИсН 23:14). Со сяна, тынад мылкыдыд ӝутскоз Инмарлэсь кылзӥськыса улыны, малы ке шуоно тынад Инмарез яратонэд юнмалоз (Пс 96:10). Нош кызьы кутсконо? Эскеромы куд-ог визь-кенешъёсты.

• Мае эскероно? Ас поннад эскерон пӧлы кенешлэн пумиськонъёсызлы дасяськон пыре. Арня куспын Библиез лыдӟыкуд, валантэм кылбуръёсты эскерон понна, дыр висъяд ке, дасяськонэд пайдаёгес луоз. Куд-огъёсыз тросгес тодыны тыршо Библиысь азьпалзэ ивортонъёс сярысь, святой духлэн емышез пӧлы пырись сямъёс сярысь, апостол Павеллэн тодытыса ветлэмез сярысь яке Иеговалэн кылдытэмъёсыз сярысь. Нунал куспын тынад кыӵе ке юанэд кылдэ ке, гожты сое но эскеры вуоно ас поннад эскерон дыръя.

• Кытысь утчано? Умой визь-кенешъёс «Инструменты для поиска духовных сокровищ» видеороликын сётӥсько. Эскерыны дышетскон понна, тодыны тыршы, кинэ возьмато пӧйшуръёс азьпалзэ ивортонысь, кудӥз гожтэмын Данииллэн книгаяз, 7-тӥ люкетын.

• Кӧня дыр эскеронлы висъяно? Эскеронэз ялан ортчытъяса, осконэд юн луоз. Нырысь тон вакчияк эскеронъёс ортчытыны быгатӥськод, нош собере тросгес но тросгес дыр висъяны тыршы. Инмарлэсь Кылзэ эскерон ватэм узырлыкез утчам кадь: трос узырлыкез шедьтыса, эшшо но тросгес утчам потэ! (Мд 2:3—6). Тон Инмарлэсь Кылзэ золгес яратод, но Библиез ялан эскерон улонэдлэн люкетэз луоз (1Пт 2:2).

КИНЭ ВОЗЬМАТО ПӦЙШУРЪЁС ДАНИИЛЛЭН КНИГАЫСЬТЫЗ, 7-ТӤ ЛЮКЕТЫСЬ?

• 

  Дн 7:4

• 

  Дн 7:5

• 

  Дн 7:6

• 

  Дн 7:7

ВАТСАМ ЮАН:

Кызьы быдэсмизы Данииллэн 7:8, 24 кылъёс?

ВУОНОЯЗ ЭСКЕРЫ

Кинэ возьмато пӧйшуръёс Усьтӥськон книгаысь, 13-тӥ люкетысь?