Ужан-тыршон быгатонлыкъёсмес умоятӥськомы. Дышетскиськомы юанъёсты быгатыса сётъяны

МАЛЫ СО КУЛЭ. «Адямилэн сюлмаз малпанъёсыз — мур азьысь вуос», нош юанъёс соосты омыръяса поттыны юртто (Мд 20:5). Юанъёс адямилэсь вераськыны мылкыдзэ ӝутыны быгато. Малпаса сётэм юанъёс валаны юртто, кызьы адями малпаське но мар солэн сюлмаз. Иисус юанъёсты быгатыса сётъяз. Малы ми солэсь дышетскыны быгатӥськомы?

КЫЗЬЫ СОЕ ЛЭСЬТОНО.

• Адямилэсь малпамзэ тодон понна, юанъёс сётъя. Иисус дышетскисьёсызлы юанъёс сётӥз, соослэсь малпамзэс тодон понна (Мф 16:13—16; учкы «Юанъёсты быгатыса уже кутон» быгатонлыкез). Нош кыӵе юанъёс, ӟеч иворез вераку, тон сётъяны быгатысалыд, адямилэсь малпамзэ тодон понна?

• Адямилы валаны юрттон понна, юанъёс сётъя. Пётр шонер малпанэ мед вуоз шуыса, Иисус солы юан сётӥз но валэктонъёс ӵектӥз, кудъёсыз пӧлысь шонерзэ быръёно вал (Мф 17:24—26). Кыӵе юанъёс, ӟеч иворез вераку, тон сётъяны быгатысалыд, адями шонер малпанэ мед вуоз шуыса?

• Адямиез ушъя. Куке книга тодӥсь юанлы визьмо ответ сётӥз, Иисус сое ушъяз (Мк 12:34). Нош кызьы тон адямиосты ушъяны быгатӥськод?

«ВЫПОЛНЯЙТЕ РАБОТУ, КОТОРУЮ ДЕЛАЛ ИИСУС. ОБУЧАЙТЕ!» ВИДЕОРОЛИКЛЭСЬ НЫРЫСЕТӤ ЛЮКЕТСЭ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Агай ваньзэ шонер вераз ке но, малы озьы дышетоно ӧвӧл?

• Малы ми тодон-валан сётыны гинэ кулэ ӧвӧл?

ВИДЕОРОЛИКЛЭСЬ КЫКЕТӤ ЛЮКЕТСЭ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Малы вераны луоз, агай юанъёсты быгатыса сётъяз шуыса?

• Видеороликысь кыӵе мукет дышетон амалъёсты тынад уже кутэмед потэ?