Осконэз юнматӥсь адӟон

9:1—7

Пукты син азяд, мар шӧдӥз Иисус, куке воштӥськемез дыръя инмысь Атаезлэсь ӟеч кылъёссэ кылӥз! Со Иисусэз вуоно визь сынаськонъёслы дасяз. Озьы ик, та адӟон Пётрлэн, Иаковлэн но Иоаннлэн сюлэмъёсазы мур пыӵаз. Табере эшшо но валамон луиз: Иисус Мессия луэ но соос шонер лэсьтӥзы, со сьӧры мыныса. Ог 32 ар ортчыса но, Пётр ӧз вунэты адӟонэз, кудӥз «азьпалзэ тодытыса веранлы» осконзэ юнматӥз (2Пт 1:16—19).

Ми та паймымон адӟонэз ӧм адӟе ке но, ми солэсь быдэсмемзэ адӟыны быгатӥськомы. Али Иисус — кужмо Эксэй, кудӥз, «вормон басьтӥсь кадь, вормон басьтыны потӥз» (Усьт 6:2). Ӝоген со шонерлыко выль дуннеез тупатоз.

Кызьы Библиысь азьпалзэ тодытыса веранъёслэн быдэсмемзы тынэсьтыд оскондэ юнматэ?