Социальной сетьёс. Кызьы сьӧлтэтъёслэсь палэнсконо

МАЛЫ СО КУЛЭ. Котькыӵе тӥрлык сямен, социальной сетьёс пайда но, кышкытлык но вайыны быгато. Куд-ог христианъёс ужпум кутӥзы социальной сетьёсы пыратэк улыны. Мукетъёсыз соосты уже куто, ӵыжы-выжыосынызы но эшъёсынызы вераськон понна гинэ. Нош Шайтанлэн потэ, социальной сетьёсты чакласькытэк уже кутыса, ми ӟеч ниммес мед сапталомы но Иеговаен кусыпъёсмес мед ыштомы шуыса. Сьӧлтэтъёсты адӟыны но соослэсь палэнскыны милемлы, Иисуслы кадь ик, Инмарлэн Кылысьтыз возетъёс юрттозы (Лк 4:4, 8, 12).

СЬӦЛТЭТЪЁС

• Дырез быдтон. Трос часъёсын социальной сетьёсын пукыса, ми быдтӥськомы дырез, кудзэ Иеговалы ужан-тыршонлы висъяны быгатысалмы

  Библиысь возетъёс: Еф 5:15, 16; Фп 1:10

• Умойтэм материалъёс. Возьыттэм суредъёсты но видеороликъёсты учкон порнографиез учкыны но азон-калгонэ пырыны мылкыдэз ӝутыны быгатэ. Зэмос йыбырттонлэсь палэнскемъёслэсь гожтэмзэс лыдӟон осконмес сӧрыны быгатэ

  Библиысь возетъёс: Мф 5:28; Фп 4:8

• Ярантэм гожтэмъёс но туспуктэмъёс. Кескич сюлэм адямилэсь мылкыдзэ ӝутыны быгатэ социальной сете ярантэм гожтэмез яке туспуктэмез интыяны. Нош со кинлэсь ке ӟеч нимзэ саптаны яке осконзэ лябӟытыны быгатэ

  Библиысь возетъёс: Рм 14:13; Еф 4:29

«СОЦСЕТИ. НЕ ВЕДИТЕ СЕБЯ КАК ДЕТИ!» ВИДЕОРОЛИКЕЗ УЧКЫ НО МАЛПА, КЫЗЬЫ ВОЗЬМАТЭМ УЧЫРЪЁСЛЭСЬ ПАЛЭНСКЫНЫ ЛУЫСАЛ: