Дышеты, видеороликъёсты уже кутыса

Видеороликъёс, суредъёс но мутусъёс Библия дышетонэз тунсыко каро, тодэмез валаны но тодын возьыны юртто. Куке Иегова, Быдӟым Визьнодасьмы, малы ке кулэезлы дышетыны тырше вал, со но адӟытон пособиосты уже кутылӥз (Ул 15:5; Иер 18:1—6). Озьы ик дышетӥз Иисус Христос но, Быдӟым Дышетӥсь (Мф 18:2—6; 22:19—21). Вань адӟытон пособиос пӧлысь берпум аръёсы тужгес но пайдаё луизы видеороликъёс. Ӵем-а тон дышетыкуд видеороликъёсты уже кутӥськод?

Та дырлы дасямын ини 10 видеороликъёс, кудъёсыз Библиысь валтӥсь дышетонъёсты валэкто. Видеороликлэн нимыз шоры учкыса, валаны луэ, ку Библиез дышетон дыръя со видеороликез учкыны но эскерыны луоз. Со сяна, вань на мукетъёсыз но видеороликъёс, кудъёсыз дышетон пособиосты эскеронлы дасямын.

Тон дышетскисен эскериськод ке темаез, кудзэ солы секыт валаны, яке со кыӵе ке шуг-секытэн пумиськиз ке, соку JW Library® приложениысь яке интернет-телевидениысьтымы тупась видеороликез утча. Та видеороликез дышетскисен ӵош учкы но эскеры сое.

Котькуд толэзе выль видеороликъёс пото. Соосты учкыкуд, малпаськы, кызьы тон соосты уже кутыны быгатод, адямиосты дышетыкуд.