Пайда вае-а тыныд «Котькуд нунал Библиез эскериськомы» брошюраез лыдӟон?

Вань-а тынад сямыд нуналлы быдэ Библиысь кылбурез но солы валэктонэз лыдӟыны «Котькуд нунал Библиез эскериськомы» брошюраысь? Ӧвӧл ке, быгатысалыд-а тон сое лыдӟонэз котькуд нунал лэсьтоно ужъёсыд пӧлы пыртыны? Тросэз Библиысь кылбурез но солы валэктонэз ӵукна лыдӟо, нунал ӵоже со вылын малпаськон понна (ИсН 1:8; Пс 118:97). Нош мар эшшо карыны луэ на? Кылбурез умойгес валан понна, лыдӟы Библиысь люкетэз, кытысь басьтэмын кылбур. Кыӵе возетэз отысь шедьтыны луоз? Тодӥськод-а тон мукет кылбуръёсты, кудъёсысьтыз со возетэз шедьтыны луоз на? Собере малпаськы, кызьы тон со возетэз улонад пыртыны быгатод. Ужпумъёс кутыкуд, тон Инмарлэсь Кылзэ лыдэ басьтӥськод ке, со тыныд кивалтэт сётоз но улондэ умой пала воштоз (Пс 118:105).

Быдэс дунне вылысь Вефиль семьяос нуналлы кылбурез эскеро ӵукна. Берло аръёсы тросэз сыӵе эскеронъёс поттэмын вал JW Broadcasting^® сайтын, ДУХОВНЫЕ ПРОГРАММЫ И МЕРОПРИЯТИЯ люкетын. Ку тон берпуметӥзэ соосты учкид? Оло нош, кудӥсьтыз ке программаысь тон шедьтод ӵапак сое, мар тыныд кулэ. Кызьы Лотлэн учырез тынад кутэм ужпумъёсыд вылын шӧдӥськыны быгатоз?

УЧКЫ «НЕ ЛЮБИТЕ МИРА» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• Библиысь кыӵе возет вылэ пыкиськемын та речь?

• Кызьы Лотэн луэм учыр возьматэ, макем кышкыт яратыны та дуннеез но сое, мае со ӵектэ? (Ул 13:12; 14:12; 19:3, 12, 13, 24—26).

• Кызьы возьматоно, ми Иеговаез яратӥськомы шуыса, нош та дуннеез ум?