ХРИСТИАН УЛОН
«Мукет инмаръёстэс дорысьтыды куштэ»
Сульдэръёслы-идолъёслы йыбыртъяны лэзисьтэм закон потэмын ӧй вал на ке но, Иаков тодэ вал, Иеговалы гинэ оскымон луоно шуыса (Пот 20:3—5). Соин ик, куке Иегова Иаковез Вефиле берытскыны куриз, Иаков семьязэ но ляльчиоссэ сульдэръёссэс-идолъёссэс куштыны косӥз. Иаков бичаз сульдэръёсты-идолъёсты, озьы ик пельугыосты, кудъёссэ нуллӥзы, вылды, уродэзлэсь яке син усемлэсь утён понна, но соосты музъеме согиз (Ул 35:1—4). Веранэз ӧвӧл, Иеговалы Иаковлэн озьы лэсьтэмез туж кельшиз.
Нош кызьы ми возьматыны быгатӥськомы, Иеговалы гинэ оскымон луиськомы шуыса? Палэнсконо ваньмызлэсь, мар сульдэръёслы-идолъёслы йыбырттонэн но спиритизмен герӟаськемын. Кылсярысь, куштоно арбериосты, кудъёсыз тунаськон-пелляськонэн герӟаськемын. Озьы ик малпаськыса быръёно шулдыръяськонъёсты. Юа аслэсьтыд: «Кельшо-а мыным книгаос яке фильмъёс вир юисьёс сярысь, кулэмъёс сярысь, кудъёсыз улӟо но урод духъёслэн кужыменызы мар ке но лэсьтыны быгато, яке пӧртмаськон сярысь? Бырйисько-а мон сыӵе шулдыръяськонъёсты, кудъёсаз пелляськон кылъёсты веран, тунаськон но карган кышкыттэмен но тунсыкоен возьматэмын?» Милям потэ палэнын возиськеммы ваньмызлэсь, мае Иегова адӟемпотостэм каре (Пс 96:10).
УЧКЫ «ПРОТИВОСТАНЬТЕ ДЬЯВОЛУ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:
Кыӵе шуг-секытэн пумиськиз Палеса, кудӥз Иеговалэн Адӟись-Ивортӥсьёсыныз Библиез дышетэ вал?
Малы спиритизмен герӟаськем учыръёсы туж кулэ тӧроослэсь юрттэт курыны?
Дьяволлы пумит султы но Иеговалы матэ кариськы (Иак 4:7, 8)
Кыӵе арбериосты куштоно, Иегова милемыз мед утёз шуыса?
Мар кариз Палеса?
Кызьы тон периослэсь утиськыны быгатӥськод?