Эскерымтэ информациез эн вӧлмыты

Туннэ дунне вылын ивор туж ӝог вӧлме газетъёс, радио, телевидение но интернет пыр. Зэмлыклэн Инмарезлы ужась-тыршисьёслэн уг поты пӧяськонэз вӧлмытэмзы (Пс 30:6; Пот 23:1). Мукетъёсызлы верам эскерымтэ информация туж бадӟым изъян вайыны быгатэ. Валан понна, шонер-а информация яке ӧвӧл-а, юа аслэсьтыд:

• «Луэ-а оскыны солы, кинлэсь мон ивор тодӥ?» Со, кин иворез вера, куддыръя ваньзэ пыр-поч уг тоды. Куке адямиос иворез ог-огзылы верало, ивор одно ик воштӥське. Соин ик, тон уд ке тодӥськы, кин бордысь со ивор потӥз, сак лу. Тужгес но сак луоно соослы, кинъёслы кенешын кыӵе ке уж оскемын, малы ке шуоно вын-агайёс но сузэр-апайёс соослы оско.

• «Кылэм ивор кыл вӧлдон ӧвӧл-а?» Кылэм информация кинлэсь ке ӟеч нимзэ сапта ке, сое мукетъёсызлы верано ӧвӧл (Мд 26:22; Фп 4:8).

• «Луэ-а оскыны та иворлы?» Эн дырты оскыны туж паймытӥсь иворлы но веранлы.

УЧКЫ «КАК ОСТАНОВИТЬ СПЛЕТНИ?» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Мадёнъёс 12:18 верамъя, кыӵе кужымзы вань кылъёслэн?

• 

  Кызьы Филиппыослы 2:4 гожтэм возет милемлы юрттыны быгатоз, куке ми мукетъёсыз сярысь вераськиськомы?

• 

  Мар милемлы кароно, адямиос мукетъёсыз сярысь уродэн яке мыскылляса вераны кутско ке?

• 

  Мар сярысь малпаськоно кин ке сярысь верамедлэсь азьвыл?