Ужан-тыршон быгатонлыкъёсмес умоятӥськомы. Кызьы домофон пыр тодытоно

МАЛЫ СО КУЛЭ Туннэ тросэз адямиос кышкало тодмотэм муртъёслы ӧссэс усьтыны, соин ик ӵем дыръя камераос но домофонъёс пукто. Озьы соос, ӧссэс усьтытэк, адӟыны быгато, кин лыктӥз. Милемлы капчи ӧвӧл, дыр, вераськыны соосын, кинъёсты ми ум адӟиське, но кинъёс милемыз адӟыны быгато. Улӥяз сётэм визь-кенешъёс юрттозы милемлы домофон пыр яке камера азьын кышкатэк ӟеч иворез вераны.

КЫЗЬЫ СОЕ ЛЭСЬТОНО

• Азьло ик эн малпа, адямиос тонэ уз кылзэ шуыса. Тросэз адямиос, кудъёсыз асьсэлы домофон яке камера пуктӥзы, милемын вераськыны пумит ӧвӧл.

• Тодад возь, куд-ог камераос, звоноке зӥбемедлэсь азьло ик тонэ гожтыны кутско ини шуыса, нош адями, ӧс доры вуэмед бере ик, тонэ адӟыны но, кылыны но быгатэ шуыса.

• Домофон пыр яке камера азьын вераськы озьы, кызьы тон адямиен ваче ымныр вераськысалыд. Пальпот но астэ дышем сямыдъя возь. Вера сое, мае тон верасалыд, адями ӧссэ усьтысал ке. Камералы туж матын эн сылы. Доразы нокин ӧвӧл ке, нокыӵе но аудио- яке видеосообщение эн кельты.

• Эн вунэты, вераськемед бере тонэ озьы ик адӟыны но, кылыны но быгато на шуыса.