ХРИСТИАН УЛОН
Котькуд аре ортчытӥськись конгрессъёс — яратонэз возьматыны луонлык
Малы ми сокем яратӥськомы котькуд аре ортчытӥськись улосысь конгрессъёсмес? Малы ке шуоно кызьы вашкала Израильын арысь аре пусйиськись праздникъёсы ӵош люкаськыса Иеговалы йыбыртъязы, озьы ик ми но быгатӥськомы конгрессъёсы трос вын-агайёсын но сузэр-апайёсын ӵош люкаськыны но Иеговалы йыбырттыны. Сыӵе конгрессъёсын Иегова милемлы трос духовной сиён сётэ. Озьы ик милемлы туж кельше со конгрессъёсын эшъёсынымы но ӵыжы-выжыосынымы пумиськыны. Соин ик милям конгресслэсь одӥг нуналзэ но кельтэммы уг поты.
Огазе люкаськыкумы, милемлы асьме сярысь гинэ малпаськоно ӧвӧл, нош озьы ик малпаськоно, кызьы мукетъёсызлы яратэммес возьматоно (Гл 6:10; Евр 10:24, 25). Агайёслы но сузэръёслы пырыкузы-потыкузы ӧсэз усьтӥськомы ке яке сомында гинэ пукон инты басьтӥськомы ке, кӧня милемлы кулэ, озьы ми возьматӥськомы, мукетъёсыз сярысь малпаськиськомы шуыса (Фп 2:3, 4). Конгрессъёсын ми выль эшъёс шедьтыны быгатӥськомы. Умой луысал аслыд ужпум пуктыны программа кутскемлэсь азьло яке программа бере, оло нош, вис карыку, выль агаен яке выль сузэрен тодматскыны (2Кр 6:13). Озьы ми быгатомы выль эшъёс шедьтыны но соосын пырак дауръёслы эшъяськыны! Ми ог-огмылы зэмос яратонмес возьматӥмы ке, соослэн но, кинъёс Иеговалы уг йыбыртъяло, Иеговалэн калыкез пӧлы пыремзы потоз, вылды (Ин 13:35).
УЧКЫ «МЕЖДУНАРОДНЫЕ КОНГРЕССЫ „ЛЮБОВЬ НИКОГДА НЕ ПРОХОДИТ“» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:
Кызьы вын-агайёс но сузэр-апайёс 2019-тӥ арын калыккуспо конгрессэ лыктэмъёслы яратонзэс возьматӥзы?
Малы Иеговалэн ужась-тыршисьёсызлэн яратыса но огкылысь улэмзы туж паймымон луэ?
Христиан яратонлэн кыӵе аспӧртэмлыкъёсыз сярысь веразы Кивалтӥсь кенешысь агайёс?
Кызьы тон конгрессъёсамы яратондэ возьматыны быгатысалыд?
Кызьы христиан яратон Германиын но Лымшор Кореяын агайёсмылэсь но сузэръёсмылэсь кусыпъёссэс юнматӥз?
Кыӵе милям мылкыдмы луыны кулэ?