29-ТӤ КУАРУСЁН — 5-ТӤ КОНЬЫВУОН
ЕККЛЕСИАСТ 3:1—4:16
93-тӥ кырӟан но вӧсяськон | Кутскон кылъёс (1 мин.)
Дырдэс ӵош ортчытъялэ но Иеговаен кусыпъёстэс юнматэ
1. Кусыпъёсты куинь полэс пӧлэстэм сӥньыс кадь юн мед луозы
(10 мин.)
Дырдэс висъялэ ог-огеныды вераськыны но ог-огдэс сак кылзыны (Ек 3:1; hf 7 б.).
Тросгес дырдэс ӵош ортчытъялэ, пӧртэм ужъёсты быдэсъяса (Ек 4:9; w23.05 23—24 б., 12—14 абз.).
Иеговаен кусыпъёстэс юнматэ (Ек 4:12; w23.05 21 б., 3 абз.).
ЮА АСЛЭСЬТЫД: «Кызьы милям кусыпъёсмы вылын шӧдӥськоз, ми кузпалэным трос дырмес нимаз ортчытӥськомы ке, кылсярысь, нимаз шутэтскыны ветлӥськомы яке ужъя кытчы ке кошкылӥськомы?»
2. Духовной марӟанъёс
(10 мин.)
Ек 3:7. Кызьы ми уже кутыны быгатӥськомы та визь-кенешез уйылон-уллянъёс дыръя? (w19.07 11 б., 14 абз.).
Вера тунсыко малпанъёсты, кудъёссэ тон шедьтӥд та люкетъёсысь.
3. Библиез лыдӟон
4. Нырысетӥзэ вераськыку
(3 мин.) КОРКАСЬ КОРКА ТОДЫТОН. Кутскы вераськыны адямиен, уже кутыса «Возьмаськон башняез» (№ 1, 2025-тӥ ар (ӟуч)). Адямилэн та сярысь вераськемез ӧз поты ке, вераськы со сярысь, мар солы тунсыко (lmd 2 урок, 5 пункт).
5. Тунсыкъяськись адямилы юрттыку
(4 мин.) МАР КЕ КАРЫКУ ТОДЫТОН. Ӵекты Библиез дышетыны адямилы, кудӥзлы кылемаз тон кельтӥд вал «Возьмаськон башняез» (№ 1, 2025-тӥ ар (ӟуч)) (lmd 9 урок, 4 пункт).
6. Речь
(5 мин.) lmd 1 ватсам валэктон, 12 пункт. Тема: «Инмар ымныр шоры уг учкы» (th 19 урок).
131-тӥ кырӟан
7. Кузпалъёс, куспады шуг-секытъёс кылдо ке, оскиське Иеговалы
(15 мин.) Эскерон.
Иегова ваньзэ кулэзэ сётӥз, кузпалъяськем христианъёс шудо мед луозы шуыса. Озьы ке но, дырын-дырын соос шуг-секытъёсын пумисько (1Кр 7:28). Со шуг-секытъёсты сэрттыны-пертчыны ӧд тыршы ке, пумен соос тросгес но тросгес луозы. Но вуоз сыӵе дыр, куке кузпалъёс малпаны быгатозы, семьязэс утьыны уг луы ни шуыса. Мар кароно, тӥ та выллем югдурен пумиськиды ке?
«Мар со сыӵе зэмос яратон?» видеоын (ӟуч) вераське егит адямиос сярысь, кудъёсыз кузпалъяськемзы бере бадӟым шуг-секытъёсын пумиськизы. Тодӥськоды на-а, мар вераз атай нылызлы, кудӥз, ужпум кутыкуз, Иеговалэсь малпанзэ лыдэ ӧз басьты?
«Мар со сыӵе зэмос яратон?» ВИДЕОЛЭСЬ люкетсэ возьматы. Собере юа:
Малы Иеговалэн визь-кенешъёсызлэсь кылзӥськоно, куке кузпалъёс куспын шуг-секытъёс кылдо? (Ис 48:17; Мф 19:6).
Кузпалэныды куспады шуг-секытъёс кылдӥзы ке, лэсьтэ ваньзэ, мае быгатӥськоды, Иеговаен кусыпъёстэс утён понна: вӧсяське, христиан пумиськонъёсы ветлэ, Библиез эскере но тодытон уже пыриське. Кылдэм югдурез тупатон вылысь, уже кутэ Библиысь визь-кенешъёсты. Озьы ик эскере публикациосмес, валан понна, кызьы учке Иегова тӥляд югдурды шоры. Озьы тӥ возьматоды, Иеговалэсь юрттэтсэ утчаськоды шуыса (Мд 10:22; Ис 41:10).
«Эн оске Шайтанлэн пӧяськонэзлы. Даррел но Дебора Фрисингер» ВИДЕОРОЛИКЕЗ возьматы. Собере юа:
Малы дышетыны быгатэ Фрисингер кузпалъёслэн учырзы соосты, кинъёс кузпалъяськемзы бере бадӟым шуг-секытъёсын пумиськизы?
8. Кенешын Библиез дышетон
(30 мин.) lfb 22 урок; 5-тӥ разделлы азькыл; 23 урок