1 урок

Инмар ӧте тонэ аслаз эшез луын

Инмарлэн потэ, тон солэн эшез мед луод. Ку ке но малпаськид-а тон, асьме Вселеннойын бадӟым Личностьлэн эшез луод шуыса? Азьло даурэ улэм Авраам, Инмарлэн эшез шуыса нимамын вал со (Иаков 2:23). Мукет адямиос, кудъёсыз сярысь Библия вера, соос но шумпотӥзы Инмарэн эшъяськонлы, со понна соос трос бакель басьтӥзы. Туннэ быдэз музъем вылын адямиос Инмарлэн эшъёсыз луыло. Тон но быгатод Инмарлэн эшез луын.

Инмарлэн эшез луын умойгес, кыӵэ ке но адямилэн эшез луон сярысь. Инмар ноку но уг быдты эшъёсызлэсь мылкыдзэс (Псалом 17:26). Инмарлэн эшез луын умойгес, бай но узыр луытозь. Ку узыр адями кулэ, солэн коньдонэз выжэ мукетъёслы. Кин Инмарэн эшъяськыса улэ, соослэн сыӵэ ваньбурзы вань, кудзэ нокинлэн но басьтэмез уз луы (Матфей 6:19).

Кудӥз-огез адямиос люкетозы тыныд тодматскыны Инмарен. Соос пӧлын луозы тынад эшъёсыд но ӵыжы-выжыосыд (Матфей 10:36, 37). Кин ке но тонэ серекъя ке, яке кышкатэ ке тонэ, юа астэ: кинлы мынам яраме потэ — адямиослы-а, Инмарлы-а? Малпаса учкы-али кин ке тыныд вераз ке эн сиськы, кылзиськод-а тон сое? Уд! Улон понна тыныд кулэ сиён. Инмар быгатоз лэсьтыны созьы, но тынад пырак улэмед луоз. Соин ик тон нокинэ но эн лэсь, люкетын тыныд, тодыны кызьы тон Инмарлэн эшез луыны быгатод (Иоанн 17:3).