Зэмос Инмар. Кин со?

Вань одӥг гинэ зэмос Инмар. Солэн нимыз — Иегова (Улон-вылон 22:14, сноска; Псалтирь 82:19). Со — Дух, соин ик ми сое адӟыны ум быгатӥське. Со яратэ асьмемыз, но солэн потэ, асьмеос но сое мед яратомы шуыса. Озьы ик Инмарлэн потэ, асьмеос мукет адямиосты но мед яратомы шуыса (Матфей 22:35—40). Со — Вылысь Инмар, ваньзэ Кылдытӥсь.

Инмарлэн нырысетӥ кылдытэмез кужмо духовной личность вал — солэн Пиез, кудӥз берлогес Иисус Христос шуыса тодмо луиз. Со сяна, Иегова кылчинъёсты кылдытӥз.

Иегова кылдытӥз ваньзэ, мар вань инмын... но музъем вылын (Усьтӥськон 4:11).

Иегова Инмар кылдытӥз кизилиосты, Музъемез но ваньзэ, мар вань со вылын (Улон-вылон 1:1).

Сюй-тузонлэсь со лэсьтӥз нырысетӥ адямиез, Адамез (Улон-вылон 2:7).