Кыӵе улон вал Райын?

Иегова Адамлы но Евалы трос умойзэ сётӥз (Улон-вылон 1:28).

Иегова кылдытӥз нырысетӥ кышномуртэз, Еваез, но сое Адамлы кышнолы сётӥз (Улон-вылон 2:21, 22).

Иегова адямиосты дун-шектэм визьмын но мугорен кылдытӥз, нокыӵе изъянтэк.

Соос улӥзы Едем садын — паймымон чебер интыын. Со зэмос Рай вал. Отын шур бызиз, емыш вайись писпуос будӥзы но пӧртэм пӧйшуръёс улӥзы.

Иегова вераськиз соосын но дышетӥз соосты. Соос солэсь кылзӥськысалзы ке, соку пырак Рай музъем вылын улысалзы.

Инмар соосыз одӥг писпулэсь емышъёссэ сиыны ӧз лэзьы (Улон-вылон 2:16, 17).

Одӥгез кылчин Инмарлы пумит султӥз. Со лек кылчин — Шайтан Дьявол.

Иегова Адамлы но Евалы садысь одӥг емыш вайись писпу шоры возьматӥз но вераз, солэсь емышъёссэ сиизы ке, кулозы шуыса.

Шайтанлэн уг поты вал, Адам но Ева Иеговалэсь мед кылзӥськозы шуыса. Соин ик со кый пыр Евалы вераз, та писпулэсь емышсэ сиыса, со уз кулы шуыса, нош Инмар кадь луоз. Зэмзэ вераса, со пӧяськон вал (Улон-вылон 3:1—5).